- Къарнынг къанлынга кийирир.
- Бал чибинни ургъаны – ачы, балы – татлы.
- Уллу атлама – абынырса, уллу къабма – къарылырса.
- Юйлю уругъа ит чабмаз.
- Бети бедерден, намыс сакълама.
- Акъыллы – эл иеси, тели – эл баласы.
- Таякъ этден ётер, тил сюекден ётер.
- Къобан да къуру да къобханлай турмайды, адам да къуру да патчахлай турмайды.
- Ичимден чыкъды хата, къайры барайым сата?
- Душманны тышы – акъ, ичи – къара.
- Баш болса, бёрк табылыр.
- Иши джокъну, сыйы джокъ.
- Юй ишлеген балта эшикде къалыр.
- Махтаннган къыз, тойда джукълар.
- Кёзюнде тереги болгъан, чёбю болгъаннга кюле эди.
- Биреу ашаб къутулур, биреу джалаб тутулур.
- Адамны аты башхача, акъылы да башхады.
- Олтуруб кёрюнмей эди да, ёрге туруб кёрюне эди.
- Аманнга алтын чыдамаз.
- Ишленмеклик адамлыкъды.
- Асхат ашлыкъ сата, юйдегиси ачдан къата.
- Кёзню ачылгъаны – иги, ауузну джабылгъаны – иги.
- Ургъан суудан башынгы сакъла.
- Къарт айтханны этмеген, къартаймаз.
- Хантына кёре тузу, юйюне кёре къызы.
- Акъыл неден да кючлюдю.
- Тюзлюк тас болмайды.
- Танг атмайма десе да, кюн къоярыкъ тюйюлдю.
- Иги сёз – джаннга азыкъ, аман сёз башха – къазыкъ.
- Къызын тута билмеген, тул этер, джашын тута билмеген, къул этер.
- Эки къатын алгъан – эки ташны ортасына башын салгъан.
- Къолунгдан къуймакъ ашатсанг да, атаны борчундан къутулмазса.
- Джарлыны эшигин махтагъан джабар.
- Таукелге нюр джауар.
- Ёнгкюч къууана барыр, джылай келир.
- Адеб этмеген, адеб кёрмез.
- Тилсиз миллет джокъ болур.
- Оюмсуз атлагъан, аджалсыз ёлюр.
- Ачыкъ джюрекге джол – ачыкъ.
- Чомарт джарлы болмаз.
- Мал тутхан – май джалар.
- Джылар джаш, атасыны сакъалы бла ойнар.
- Уллу сёлешме да, уллу къаб.
- Сабийликде юретмесенг, уллу болса – тюзелмез.
- Ана къойну – балагъа джандет.
- Тау башында, тау болмаз, джангыз терек, бау болмаз.
- Джылыгъа джылан илешир.
- Кёз – сюйген джерде, къол – ауругъан джерде.
- Байдан умут эте, джарлыдан ёгюз багъасы къорады.
- Уллу къашыкъ эрин джыртар.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)