- Тил – кесген бычакъ, сёз – атылгъан окъ.
- Этни да ашады, бетни да ашады.
- Къарнынг ауруса, ауузунгу тый
- Борчунг бар эсе, хурджунунга ойлаб узал.
- Кюн – узун, ёмюр – къысха.
- Байма, деб да, къууанма, джарлыма, деб да, джылама.
- Сормай – алма, чакъырылмай – барма.
- Ёлюр джаннга, ёкюл джокъ.
- Бир абыннган – минг сюрюнюр.
- Къарны аманнга къазан такъдырма, къолу аманнга от джакъдырма.
- Адеб базарда сатылмаз.
- Бал – татлы, балдан да бала – татлы.
- Ана кёлю – балада, бала кёлю – талада.
- Къарыусузгъа кюлме, онгсузгъа тийме.
- Сёз садакъдан кючлюдю.
- Адам къыйынлыгъын кёлтюрюр, зауукълугъун кёлтюрмез.
- Аман хансны – урлугъу кёб.
- Иши джокъну, сыйы джокъ.
- Хансыз джомакъ болмаз.
- Сабийликде юретмесенг, уллу болса – тюзелмез.
- Акъыллы айтыр эди, акъылсыз къоймайды.
- Акъдан къара болмаз.
- Тилчиден кери бол.
- Баш – акъыл ючюн, акъылман – халкъ ючюн.
- Мадар болса, къадар болур.
- Айраннга суу къош, телиге джол бош.
- Махтаннган къыз, тойда джукълар.
- Ушамагъан – джукъмаз.
- Джарлы тюеге минсе да, ит къабар.
- Ачыу алгъа келсе, акъыл артха къалады.
- Ёпкелегенни ашы татлы болады.
- Кёбден умут этиб, аздан къуру къалма.
- Джангызны оту джарыкъ джанмаз!
- Ат басханны джер билед.
- Ана – юйню кюн джарыгъы.
- Аманнга алтын чыдамаз.
- Тойгъан антын унутур.
- Адамны адамлыгъы къыйынлыкъда айгъакъланады.
- Элде адам къалмаса, ит тахтагъа минер.
- Болджал ишни бёрю ашар.
- Таукел адам тау тешер.
- Ёмюрлюк шохлукъну джел элтмез.
- Баланы адам этген анады.
- Къонагъынгы артмагъын алма да, алгъышын ал.
- Тёгюлген тюгел джыйылмайды.
- Джарлыны тону джаз битер.
- Джукъу тёшек сайламайды.
- Тик ёргени, тик энгишгеси да болады.
- Рысхы джалгъанды: келген да этер, кетген да этер.
- Оюмсуз атлагъан, аджалсыз ёлюр.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)