- Джерни букъусу кёкге къонмаз.
- Джарлыны тону джаз битер.
- Хар адамгъа кеси миннген тау кибик.
- Сёз сёзню айтдырыр.
- Иги сеники эсе да, сюйген кесимикин этеме.
- Башда акъыл болмаса, эки аякъгъа кюч джетер.
- Юйлю уругъа ит чабмаз.
- Адебни адебсизден юрен.
- Тау башында, тау болмаз, джангыз терек, бау болмаз.
- Рысхы джалгъанды: келген да этер, кетген да этер.
- Сормай – алма, чакъырылмай – барма.
- Садакъачыны джаны – къапчыгъында.
- Билимден уллу байлыкъ джокъду.
- Ат да турмайды бир териде.
- Къазанчы аман болса, къазаны къайнамаз.
- Ач бёрюге мекям джокъ.
- Кимни – тили, тиши онглу, кимни – къолу, иши онглу.
- Атадан ёксюз – бир ёксюз, анадан ёксюз – эки ёксюз.
- Элиб деген, элге болушур.
- Къонакъны къачан кетерин сорма, къачан келлигин сор.
- Мадар болса, къадар болур.
- Сакъалы текени да бар, мыйыгъы киштикни да бар.
- Сёз садакъдан кючлюдю.
- Ётюрюкчюню шагъаты – къатында.
- Акъыл аздырмаз, билим тоздурмаз.
- Элге къуллукъ этмеген, элге ие болмаз.
- Гугурук къычырмаса да, тангны атары къалмаз.
- Окъ къызбайны джокълайды.
- Чомарт къонакъ юй иесин сыйлар.
- Таш бла ургъанны, аш бла ур.
- Эркишини аманы тиширыуну джылатыр.
- Мал ёлсе, сюек къалыр, адам ёлсе, иши къалыр.
- Джиби бир къат джетмей эди да, эки къат тарта эди.
- Къарт болгъан джерде, берекет болур, сабий болгъан джерде, оюн болур.
- Кийиминг бла танылма, адамлыкъ бла таныл.
- Ашхы болсанг, атынг чыгъар, аман болсанг, джанынг чыгъар.
- Атлыны кёрсе, джаяуну буту талыр.
- Бир онгсуз адам адет чыгъарды, деб эштирик тюлсе.
- Чоюнну башы ачыкъ болса, итге уят керекди.
- Къолу уллу – асыу, аягъы уллу – джарсыу.
- Кёпюр салгъан кеси ётер, уру къазгъан кеси кетер.
- Халкъны юйю – туугъан джери.
- Аман къатын сабий табса, бий болур…
- Бозаны арты дауур болур.
- Хоншуну тауугъу къаз кёрюнюр, келини къыз кёрюнюр.
- Уллу атлама – абынырса, уллу къабма – къарылырса.
- Тюзлюк шохлукъну бегитир.
- Къайтырыкъ эшигинги, къаты уруб чыкъма.
- Джангыз терек къынгыр ёсер.
- Ашхы сёз таш тешер.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)