- Атлыны ашхысы, ат тизгининден билинир
- Джюз элде джюз ёгюзюм болгъандан эсе, джюз джууугъум болсун.
- Эркишиге тары кебек танг кёрюнюр.
- Кюлме джашха – келир башха.
- Чомартны къолун джокълукъ байлар.
- Къанны къан бла джуума, аманны аман бла къуума.
- Акъыллы эркиши атын махтар, акъылсыз эркиши къатынын махтар.
- Акъыл сабырлыкъ берир.
- Ёлген ийнек сютлю болур.
- Джолда аягъынга сакъ бол, ушакъда тилинге сакъ бол.
- Окъугъан озар, окъумагъан тозар.
- Таукел къуру къалмаз.
- Айранын берсенг, челегин да къызгъанма.
- Арба аугъандан сора, джол кёргюзтюучю кёб болур.
- Бал ашаргъа сюе эсенг, чибин ургъаннга тёз.
- Гыдай эчки суугъа къараб, мюйюзле кёрмесе, джашма алкъын, дегенди.
- Ханы къызы буюгъа-буюгъа киштик болду.
- Ётген ёмюр – акъгъан суу.
- Рысхы джалгъанды: келген да этер, кетген да этер.
- Тойгъан джерден туугъан джер игиди.
- Насыб бютеу халкъны юлюшюдю.
- Экиндини кеч къылсанг, чабыб джетер ашхам.
- Ишлерге уял да, ашаргъа табма.
- Джигер – джаннга къыйынлыкъ.
- Игини сыйлагъан адетди.
- Суугъа – чабакъ, къаягъа – ыргъакъ.
- Эркиши – от, тиширыу – суу.
- Башы ишлегенни, ауузу да ишлер.
- Насыблы элин сюер, насыбсыз кесин сюер.
- Иши джокъну, сыйы джокъ.
- Мен да «сен», дейме, сен да «кесим», дейсе.
- Мал кёб болса, джууукъ кёб болур.
- Сууда джау джокъ, кёб сёзде магъана джокъ.
- Адам къаллай бир ишленмесе, аллай бир кесин уллу кёреди.
- Къобан да къуру да къобханлай турмайды, адам да къуру да патчахлай турмайды.
- Ишленмеген джаш – джюгенсиз ат, ишленмеген къыз – тузсуз хант.
- Аманнга да, игиге да оноусуз къатышма.
- Чабакъ башындан чирийди.
- Таукел адам тау тешер.
- Джетген къыз джерли эшекни танымаз.
- Чалманны аллы къалай башланса, арты да алай барады.
- Ачыу алгъа келсе, акъыл артха къалады.
- Акъыл къартда, джашда тюйюлдю – башдады.
- Эринчекни эр алмаз, эр алса да, кёл салмаз, кёл салса да, кёб бармаз!
- Мухарны эси – ашарыкъда.
- Ашына кёре табагъы, балына кёре къалагъы.
- Ач, тоймам, дейди, тойгъан, ач болмам, дейди.
- Биреуге аманлыкъны тилеме да, кесинге ашхылыкъны тиле.
- Зарда марда джокъ.
- Телиге от эт десенг, юйюнге от салыр.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)