- Аман къатын алгъан, арыр, иги къатын алгъан джарыр.
- Гырджын – тепсини тамадасы.
- Хаухну атма, ёнгкючню сатма.
- Аджалсыз ёлюм болмаз.
- Ата Джуртун танымагъан, атасын да танымаз.
- Аз айтсам, кёб ангылагъыз.
- Ёзденликни джайгъан – джокълукъ.
- Акъыллы айтыр эди, акъылсыз къоймайды.
- Арбаз сайлама да, хоншу сайла.
- Хар сёзню орну барды.
- Ашхы – джыяр, аман – джояр.
- Арпа, будай – ащды, алтын, кюмюш а – ташды.
- Джашны джигитлиги сорулур, къызны джигерлиги сорулур.
- Шекер бла туз – бир болмаз, ушамагъан – юй болмаз.
- Кюн кёрмеген, кюн кёрсе, кюндюз чыракъ джандырыр.
- Джашда акъыл джокъ, къартда къарыу джокъ.
- Ёгюзню мюйюзюнден тутадыла, адамны сёзюнден тутадыла.
- Келинни – келгинчи, бёркню кийгинчи кёр.
- Таукел адам тау тешер.
- Къарыусузгъа кюлме, онгсузгъа тийме.
- Ёгюзню мюйюзлери ауурлукъ этмейдиле.
- Ушамагъан – джукъмаз.
- Тюзлюк шохлукъну бегитир.
- Чоюнну башы ачыкъ болса, итге уят керекди.
- Джаш болсун, къыз болсун, акъылы, саны тюз болсун.
- Кийимни бир кюнню аясанг, минг кюннге джарар.
- Къайтырыкъ эшигинги, къаты уруб чыкъма.
- Мал тутхан – май джалар.
- Тойну къарнашы – харс, джырны къарнашы – эжиу.
- Биреуню эскиси биреуге джангы болмайды.
- Адебни адебсизден юрен.
- Джумушакъ сёз къаты таякъны сындырыр.
- Бермеген къол, алмайды.
- Кёл – къызбай, къол – батыр.
- Ач къарынны, токъ билмез
- Хар зат кесини орнуна иги.
- Къарт айтханны этмеген, къартаймаз.
- Джан саулукъ бермей, сан саулукъ бермезсе.
- Тил – миллетни джаны.
- Этни бети бла шорпасы.
- Адебсиз адам – джюгенсиз ат.
- Кечеси – аяз, кюню – къыш, джарлы къаргъагъа бир аш тюш!
- Ашын ашагъанынгы, башын да сыйла.
- Джолунга кёре – джюрюшюнг, джагъанга кёре – юлюшюнг.
- Нёгер болсанг, тенг бол, тенг болмасанг, кенг бол.
- Миллетни бойну – базыкъ, аны бла кюрешген – джазыкъ.
- Кёлсюзден сёзсюз тууар.
- Джырчы ёлсе, джыры къалыр.
- Бозанг болмагъан джерге, къалагъынгы сукъма.
- Халкъны юйю – туугъан джери.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 2)