- Адебни адебсизден юрен.
- Айырылмаз джууугъунга, унутмаз сёзню айтма.
- Чакъырылмагъан къонакъ – орунсуз.
- Ашхы болсанг, атынг чыгъар, аман болсанг, джанынг чыгъар.
- Ойнай билмеген, уруб къачар.
- Таякъ этден ётер, тил сюекден ётер.
- Тилчи тилден къаныкъмаз.
- Билмезни кёзю кёрмез, этмезни къулагъы эшитмез.
- Джолунга кёре – джюрюшюнг, джагъанга кёре – юлюшюнг.
- Минг тенг да азды, бир джау да кёбдю.
- Къолу уллу – асыу, аягъы уллу – джарсыу.
- Ата джурт – алтын бешик.
- Урунуу – насыбны анасы.
- Кийиминг бла танылма, адамлыкъ бла таныл.
- Элге къуллукъ этмеген, элге ие болмаз.
- Гугурук къычырмаса да, тангны атары къалмаз.
- Ёксюзню къалачы уллу кёрюнюр.
- Ашлыкъны арба юйге келтирир, чана базаргъа элтир.
- Къатыны харакетли болса, эри къымсыз болур.
- Рысхы джалгъанды: келген да этер, кетген да этер.
- Акъыл къартда, джашда тюйюлдю – башдады.
- Таула не мийик болсала да, аууш табылыр.
- Бичгенде ашыкъма, тикгенде ашыкъ.
- От этилмеген джерден тютюн чыкъмайды.
- Къан бла кирген, джан бла чыгъар.
- Эртде тургъан бла эртде юйленнген сокъуранмаз.
- Ауругъанны сау билмез, ач къарынны токъ билмез.
- Джол бла сёзню къыйыры джокъ.
- Тойгъан джерге джети къайт.
- Адамгъа аман кюн соруб келмейди.
- Сёз – кюмюш, джыр – алтын.
- Биреу ашаб къутулур, биреу джалаб тутулур.
- Къызгъанчдан ычхыныр, мухардан ычхынмаз.
- Айран тёгюлсе, джугъусу къалыр.
- Джангызны оту джарыкъ джанмаз!
- Къозулугъунда тоймагъан, къойлугъунда тоймаз.
- Эл элде бирер малынг болгъандан эсе, бирер тенгинг болсун.
- Нёгерсизни джолу узун.
- Акъыл аздырмаз, билим тоздурмаз.
- Эл ауузу – элек, анга ийнаннган – халек.
- Мадар болса, къадар болур.
- Акъыллы айтыр эди, акъылсыз къоймайды.
- Адеб базарда сатылмаз.
- Юйюнг бла джау болгъандан эсе, элинг бла джау бол.
- Башсыз урчукъ тюзюне айланмаз.
- Экиндини кеч къылсанг, чабыб джетер ашхам.
- Гырджын – тепсини тамадасы.
- Байлыкъдан саулукъ ашхыды.
- Мал ёлсе, сюек къалыр, адам ёлсе, иши къалыр.
- Тынгылагъан тынгы бузар.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)