- Иесиз малны бёрю ашар.
- Дууулдаса – бал чибин, къонса – къара чибин.
- Бети къызарыучу адамны, джюреги харам болмаз.
- Ышармагъан – кюлмез, кюлмеген – къууанчны билмез.
- Къайгъыны сюйген, къайгъы табар.
- Бетинги сатма, малынгы сат.
- Мал ёлсе, сюек къалыр, адам ёлсе, иши къалыр.
- Эм уллу байлыкъ – джан саулукъ.
- Кёб джат да, бек чаб.
- Ёлген аслан – сау чычхан.
- Чакъырылгъанны аты, чакъырылмагъанны багъасы болур.
- Ач келгенни – тойдур, кеч келгенни – къондур.
- Аманнга алтын чыдамаз.
- Айран тёгюлсе, джугъусу къалыр.
- Бермеген къол, алмайды.
- Къызны минг тилер, бир алыр.
- Баш – акъыл ючюн, акъылман – халкъ ючюн.
- Тамбла алтындан бюгюн багъыр ашхы.
- Кёлю джокъну – джолу джокъ.
- Джан саулукъ бермей, сан саулукъ бермезсе.
- Тойгъа алгъа да барма, тойда артха да къалма.
- Аман къатын сабий табса, бий болур…
- Аман адам элни бир-бирине джау этер.
- Ашда уялгъан – мухар, ишде уялгъан – хомух.
- Акъдан къара болмаз.
- Агъач халкъгъа алтынды, иссиликге салкъынды.
- Хата – гитчеден.
- Сабий болмагъан джерде, мёлек болмаз.
- Къыйынлы джети элни къайгъысын этер.
- Джюрекден джюрекге джол барды.
- Къумурсхала джыйылсала, пилни да джыгъадыла.
- Къатын къылыкъсыз, эр тынчлыкъсыз.
- Келинни – келгинчи, бёркню кийгинчи кёр.
- Билген билмегенни юретген адетди.
- Рысхы джалгъанды: келген да этер, кетген да этер.
- Зарда марда джокъ.
- Байлыкъдан саулукъ ашхыды.
- Къуллукъчума, деб махтанма, къуллукъ – хаух джамчыды!
- Джангыз торгъай джырламаз.
- Адеби болмагъан къыз – тузсуз хант.
- Аджал соруб келмез, келсе, къайтыб кетмез.
- Ачыу алгъа келсе, акъыл артха къалады.
- От этилмеген джерден тютюн чыкъмайды.
- Сагъышы джокъ – джукъучу, акъылы джокъ – къаугъачы.
- Адеб базарда сатылмаз.
- Экиндини кеч къылсанг, чабыб джетер ашхам.
- Къуру гыбыт бек дыгъырдар.
- Ашыкъгъанны этеги бутуна чырмалыр.
- Тёгюлген тюгел джыйылмайды.
- Терек ауса, отунчу – кёб.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)