- Джылкъыдан – ат чыгъар, тукъумдан – джаш чыгъар.
- Бир онгсуз адам адет чыгъарды, деб эштирик тюлсе.
- Мухар, кеси тойса да, кёзю тоймаз.
- Ашын ашагъанынгы, башын да сыйла.
- Кёлю джокъну – джолу джокъ.
- Джаз бир кюнню джатсанг, къыш талай кюнню абынырса.
- Кёпюр салгъан кеси ётер, уру къазгъан кеси кетер.
- Мен да «сен», дейме, сен да «кесим», дейсе.
- Юйлю уругъа ит чабмаз.
- Ханнга да келеди хариблик.
- Адамны джюреги нени кёрюрге сюйсе, кёзю да аны кёрюрге ёч болады.
- Аджаллыгъа окъсуз шкок атылыр.
- Айранны сюйген, ийнек тутар.
- Хата – гитчеден.
- Эр сокъур болсун, къатын тилсиз болсун.
- Джеринден айырылгъан – джети джылар, джуртундан айырылгъан – ёлгюнчю джылар.
- Баргъанынга кёре болур келгенинг.
- Билимден уллу байлыкъ джокъду.
- Эли джокъну – кёлю джокъ.
- Кимни – тили, тиши онглу, кимни – къолу, иши онглу.
- Билгенни къолу къарны джандырыр.
- Экеулен сёлеше тура эселе, орталарына барыб кирме.
- Къарнынг тойгъунчу аша да, белинг талгъынчы ишле.
- Кёб джат да, бек чаб.
- Кюн – узун, ёмюр – къысха.
- Аш берме да, къаш бер.
- Джырчы джырчыгъа – къарнаш.
- Башда акъыл болмаса, эки аякъгъа кюч джетер.
- Акъыллы – эл иеси, тели – эл баласы.
- Сабий болмагъан джерде, мёлек болмаз.
- Сабыр джетер муратха, сабырсыз къалыр уятха.
- Аман хансны – урлугъу кёб.
- Джарлыны эшигин махтагъан джабар.
- Тай асырагъан, атха минер.
- Сагъышы джокъ – джукъучу, акъылы джокъ – къаугъачы.
- Акъыллы айтыр эди, акъылсыз къоймайды.
- Къолунгдан къуймакъ ашатсанг да, атаны борчундан къутулмазса.
- Тенгинг джокъ эсе – изле, бар эсе – сакъла!
- Соргъан айыб тюлдю, билмеген айыбды.
- Эл бла кёргенинг эрелей.
- Джан саулукъ бермей, сан саулукъ бермезсе.
- Келинни – келгинчи, бёркню кийгинчи кёр.
- Къонакъ хазыр болгъанлыкъгъа, къонакъбай хазыр тюлдю.
- Иги – алгъыш этер, аман – къаргъыш этер.
- Къыйынлы джети элге оноу этер.
- Экиндини кеч къылсанг, чабыб джетер ашхам.
- Тин – байлыгъынг, терен саулугъунг.
- Кийимни бичсенг, кенг бич, тар этген къыйын тюлдю.
- Юй кюйдю да, кюйюз чыкъды, ортасындан тюйюш чыкъды.
- Сакъалы текени да бар, мыйыгъы киштикни да бар.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 2)