- Чакъырылмагъан къонакъ тёрге атламаз.
- Тыш элде солтан болгъандан эсе, кесинги элде олтан болгъан игиди!
- Суу да къайтады чыкъгъан джерине.
- Юй кюйдю да, кюйюз чыкъды, ортасындан тюйюш чыкъды.
- Ким бла джюрюсенг, аны кёзю бла кёрюнюрсе.
- Эл тойса, тоймагъан, эл къойса, къоймагъан.
- Чомарт бергенин айтмаз.
- Мадар болса, къадар болур.
- Ойнай-ойнай кёз чыгъар.
- Аман адамны тепсинге олтуртсанг, къызынгы тилер.
- Кютгени беш эчки, сызгъыргъаны уа, джерни джарады.
- Ёмюрлюк шохлукъну джел элтмез.
- Аз айтсам, кёб ангылагъыз.
- Арба аугъандан сора, джол кёргюзтюучю кёб болур.
- Хансыз джомакъ болмаз.
- Ишлегенден, къарагъан уста.
- Чарсда алчыны эл кёреди.
- Ауругъанны сау билмез, ач къарынны токъ билмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Телини эшигин, махтау джабар.
- Къатыны харакетли болса, эри къымсыз болур.
- Ат басханны джер билед.
- Рысхы – насыбха къор.
- Ёзденликни джайгъан – джокълукъ.
- Джерни букъусу кёкге къонмаз.
- Аджалсыз ёлюм болмаз.
- Сибиртки да сыйлы болду, кюрек да кюнлю болду.
- Элде адам къалмаса, ит тахтагъа минер.
- Намыс болмагъан джерде, насыб болмаз.
- Сабий кёргенин унутмаз.
- Ишлемеген – тишлемез.
- Кёзюнде тереги болгъан, чёбю болгъаннга кюле эди.
- Окъугъан – асыу, окъумагъан – джарсыу.
- Къарны аманнга къазан такъдырма, къолу аманнга от джакъдырма.
- Къолунгдан къуймакъ ашатсанг да, атаны борчундан къутулмазса.
- Билмегенинги, билгеннге сор.
- Къарт болгъан джерде, берекет болур, сабий болгъан джерде, оюн болур.
- Душманны тышы – акъ, ичи – къара.
- Чакъырылгъанны аты, чакъырылмагъанны багъасы болур.
- Шайтан алдады, тюзлюк къаргъады.
- Тойгъан джерге джети къайт.
- Чомарт къолда мал къалмаз.
- Эринчекни аурууу – кёб.
- Эл ауузу – элия.
- Экеу тутушса, биреу джыгъылыр.
- Сормай – алма, чакъырылмай – барма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къобан да къуру да къобханлай турмайды, адам да къуру да патчахлай турмайды.
- Къатын байлыкъны сюер, эр саулукъну сюер.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)