- Элиб деген, элге болушур.
- Аджал соруб келмез, келсе, къайтыб кетмез.
- Кеси юйюмде мен да ханма.
- Олтуруб кёрюнмей эди да, ёрге туруб кёрюне эди.
- Ат да турмайды бир териде.
- Адеб базарда сатылмаз.
- Ёлген эшек бёрюден къоркъмайды.
- Акъылсызны джууукъгъа алма, акъыллыны кенгнге салма.
- Аз сёлеш, кёб ишле.
- Гугук кесини атын айтыб къычыргъанча, мен, мен деб нек тураса?
- Кюн кёрмеген, кюн кёрсе, кюндюз чыракъ джандырыр.
- Хар зат кесини орнуна иги.
- Чабакъсыз кёлге къармакъ салгъанлыкъгъа, чабакъ тутмазса.
- Джангызны оту джарыкъ джанмаз!
- Биреу ашаб къутулур, биреу джалаб тутулур.
- Абынмазлыкъ аякъ джокъ, джангылмазлыкъ джаякъ джокъ.
- Керти сёзге тёре джокъ.
- Ашхы адам – халкъ байлыгъы, ашхы джер – джашау байлыгъы.
- Кимни – тили, тиши онглу, кимни – къолу, иши онглу.
- Аманнга игилик этсенг, юйюнге сау бармазса.
- Башсыз урчукъ тюзюне айланмаз.
- Атынг аманнга чыкъгъандан эсе, джанынг тамагъынгдан чыкъсын.
- Ашхы болсанг, атынг чыгъар, аман болсанг, джанынг чыгъар.
- Тёгюлген тюгел джыйылмайды.
- Келгинчи, къонакъ уялыр, келгенден сора, къонакъбай уялыр.
- Къумурсхала джыйылсала, пилни да джыгъадыла.
- Къая джолда джортма, ачыкъ сёзден къоркъма.
- Къарт болгъан джерде, берекет болур, сабий болгъан джерде, оюн болур.
- Байны оноуу, джарлыгъа джарамаз.
- Уллу къазанда бишген эт, чий къалмаз.
- Кийим тукъум сордурур.
- Уллу сёлешме да, уллу къаб.
- Хунаны тюбюн къазсанг, юсюнге ауар.
- Ариу сёз – джаннга азыкъ, аман сёз – башха къазыкъ.
- Билеги кючлю, бирни джыгъар, билими кючлю, мингни джыгъар.
- Ёлмесенг да, къарт дамы болмазса?
- Тамчы таш тешер.
- Кёзюнде тереги болгъан, чёбю болгъаннга кюле эди.
- Эски джаугъа ышанма.
- Ашлыкъ – бюртюкден, джюн – тюкден.
- Этек чакъмакълары баш джаргъан, сёлешген сёзлери таш джаргъан.
- Экеулен сёлеше тура эселе, орталарына барыб кирме.
- Сабийликде юретмесенг, уллу болса – тюзелмез.
- Таугъа чыгъаллыкъ эсенг, тюзде къалма.
- Намысы болмагъанны, сыйы болмаз.
- Алма терегинден кери кетмез.
- Кийиминг бла танылма, адамлыкъ бла таныл.
- Окъумагъан сокъурду, сокъур ташха абыныр!
- Дуния малгъа сатылма, кесингден телиге къатылма.
- Ётген ёмюр – акъгъан суу.
Келигиз, тил байлыгъыбызны сакълайыкъ!
21.02.2008 15:55:46
ПТЮЧ
карачайча завидываю калай боллукту? Сукъланама |
|
|
|
21.02.2008 15:56:15
ПТЮЧ
Билгенликге джазаргъа сюймейди |
|
|
|
21.02.2008 15:59:50
Девушка Гор
Сукланама адамлага карачайча иги сёлеше билгенлеге ))) Тюз айтыммы? )) Къанамат Солуйса сора |
|
|
|
21.02.2008 16:05:02
ПТЮЧ
Тюз айтыммы? Айтдыгъыз! Энди къарачай-малкъар тилни юсюнден бир назму да джазсагъыз! |
|
|
|
21.02.2008 16:12:33
Девушка Гор
Айыб этмегиз соруучугъум барды, бюгюн, къарачай халкъ поэти Сюйюнчланы Азамат бла ушукъ этерик тюлмю эдик? |
|
|
|
21.02.2008 16:13:36
ПТЮЧ
Сен а солумаймыса? |
|
|
|
21.02.2008 16:25:27
кокетка
Игитда этебиз ушакъ! Бир кесекчикден! охому? |
|
|
|
21.02.2008 16:40:31
СОРУУЛАРЫМЫ ХОЗЫРЛАЙМ СОРА
|
|
|
|
21.02.2008 16:43:05
смак
Бек ариу джазылгъанды! |
|
|
|
21.02.2008 16:45:56
Айтханыбызча, бир кесекден КъЧР-ны халкъ поэти Сюйюнчланы Азамат бла ушакъ этерикбиз. Сиз сорууларыгъызны хазыр эте туругъуз, мен а уа къонакъгъа кетдим!
|
|
|
|
21.02.2008 17:04:54
Девушка Гор
Сакълайбыз |
|
|
|
21.02.2008 17:08:07
|
|
|
|
21.02.2008 18:44:19
Багъалы форумчанла! Азаматны танымагъан адамлагъа суратын салайым!
[imgs=http://www.elbrusoid.ru/cupermin/displayimag e.php?album=lastup&cat=1&pos=0][/imgs] |
|
|
|
21.02.2008 18:44:25
Азамат, джаш тёлю сорууларын хазырлагъынчы, биринчи сорууну мен берейим: мен билгенге кёре, сиз гитчелигигизден джазыучу болургъа муратлы болгъансыз?
|
|
|
|
21.02.2008 18:49:11
Девушка Гор
Мен Сюйюнчланы Азаматны былайда болгъанын билмей башха темада тургъанма. Ташкёпюр школну устазлары бла сохталарындан уллу салам береме Азаматха!!! |
|
|
|
21.02.2008 18:52:01
Алик турист
Саламыгъыз узакъ болсун. Ана тилни, ана литератураны джазыучуларыны китабларын халкъгъа джайгъан устазладыла. Ташкёпюр школну устазларына бюсюреу этеме. |
|
|
|
21.02.2008 18:52:34
Девушка Гор
Багъалы Азамат! Тил байлыгъыбызны сакълар ючюн Кърал джаны бла не мадарла этилирге керекди сиз сагъыш этгенден? |
|
|
|
Читают тему (гостей: 1)