- Оюмсуз атлагъан, аджалсыз ёлюр.
- Аджалсыз ёлюм болмаз.
- Керилген да, ургъан кибикди.
- Ёлюр джаннга, ёкюл джокъ.
- Хансыз джомакъ болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ана – юйню кюн джарыгъы.
- Аман киши кеси юйюнде – къонакъ.
- Ашхы адам – халкъ байлыгъы, ашхы джер – джашау байлыгъы.
- Кенгеш болса, уруш болмаз.
- Сакъ юйюне сау барыр.
- Аманны къуугъан, аманлыкъ табар.
- Ёгюзню мюйюзлери ауурлукъ этмейдиле.
- Уллу къашыкъ эрин джыртар.
- Огъурлуну сёзю – суу, огъурсузну сёзю – уу.
- Джолда аягъынга сакъ бол, ушакъда тилинге сакъ бол.
- Ата Джуртуму башы болмасам да, босагъасында ташы болайым.
- Ата – билек, ана – джюрек!
- Билим насыб берир, билим джолну керир.
- Уллу къазанда бишген эт, чий къалмаз.
- Уллу сёзде уят джокъ.
- Кюн кёрмеген, кюн кёрсе, кюндюз чыракъ джандырыр.
- Къая джолда джортма, ачыкъ сёзден къоркъма.
- Тенгни тенглиги джашай барсанг билинир.
- Телиге акъыл салгъандан эсе, ёлгеннге джан салырса.
- Билеги кючлю, бирни джыгъар, билими кючлю, мингни джыгъар.
- Джаным-тиним – окъуу, билим.
- Элни кючю – эмеген.
- Ойнай билмеген, уруб къачар.
- Суугъа – чабакъ, къаягъа – ыргъакъ.
- Дуния мал дунияда къалады.
- Джарлы джети элни сёзюн этер.
- Юреннген ауруу къалмаз.
- Ачыу алгъа келсе, акъыл артха къалады.
- Тилчи бир сагъатха айлыкъ хата этер.
- Джырына кёре эжиую.
- Къыз келсе, джумуш эте келеди, къатын келсе, ушакъ эте келеди.
- Тамчы таш тешер.
- Къонакъ болсанг, ийнакъ бол.
- Чомартны къолу берекет.
- Къонагъынгы артмагъын алма да, алгъышын ал.
- Байма, деб да, къууанма, джарлыма, деб да, джылама.
- Таш бла ургъанны, аш бла ур.
- Джюрекден джюрекге джол барды.
- Иги сёз – джаннга азыкъ, аман сёз башха – къазыкъ.
- Ашлыкъ – бюртюкден, джюн – тюкден.
- Башланнган иш битер, къымылдагъан тиш тюшер.
- Окъумагъан сокъурду, сокъур ташха абыныр!
- Чарсда алчыны эл кёреди.
- Чакъырылмагъан къонакъ къачан кетерин сормаз.
РУБАИ, ГАЗЕЛИ, КЫТА
Читают тему (гостей: 1)