- Эрни эр этерик да, къара джер этерик да, тиширыуду.
- Чомартны къолу берекет.
- Джуртун къоругъан озар.
- Къанны къан бла джуума, аманны аман бла къуума.
- Ауузу бла къуш тута айланады.
- Джаралыны джастыгъында сау ёлюр.
- Арпа, будай – ащды, алтын, кюмюш а – ташды.
- Ариу – кёзге, акъыл – джюрекге.
- Джарлы тюеге минсе да, ит къабар.
- Татлы сёз – балдан татлы.
- Келлик заман – къартлыкъ келтирир, кетген заман – джашлыкъ ёлтюрюр.
- Келинин тута билмеген, къул этер, къызын тута билмеген, тул этер.
- Юре билмеген ит, къонакъ келтирир.
- Джарлы эскисин джамаса, къууаныр.
- Экиндини кеч къылсанг, чабыб джетер ашхам.
- Адамны джюреги нени кёрюрге сюйсе, кёзю да аны кёрюрге ёч болады.
- Окъдан джара эртде-кеч болса да бителир, сёз джара, ёмюрге къалыр.
- Джыйырма къойну юч джыйырма эбзе кюте эди.
- Адебни адебсизден юрен.
- Тай асырагъан, атха минер.
- Арыгъан къош чамчы болур.
- Кимни – тили, тиши онглу, кимни – къолу, иши онглу.
- Мураты болгъанны джюрек тебюую башхады.
- Сормай – алма, чакъырылмай – барма.
- Сабий кёргенин унутмаз.
- Джерни букъусу кёкге къонмаз.
- Бастасын ашагъан, хантусун да ичер.
- Байлыкъ адамны сокъур этер.
- Байны къызы баймакъ болса да, юйде къалмаз!
- Ёгюзню мюйюзлери ауурлукъ этмейдиле.
- Къозулугъунда тоймагъан, къойлугъунда тоймаз.
- Ойнай-ойнай кёз чыгъар.
- Сакъламагъан затынга джолукъсанг, не бек къууанаса, не бек ачыйса.
- Джюз элде джюз ёгюзюм болгъандан эсе, джюз джууугъум болсун.
- Айранны сюйген, ийнек тутар.
- Билмейме деген – бир сёз
- Тойгъан джерден туугъан джер игиди.
- Игиге айтсанг – билир, аманнга айтсанг – кюлюр.
- Кёрмегеннге кебек – танг, битмегеннге сакъал – танг.
- Баргъанынга кёре болур келгенинг.
- Ачыу алгъа келсе, акъыл артха къалады.
- Билим – акъылны чырагъы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юйюнг бла джау болгъандан эсе, элинг бла джау бол.
- Джарлыны тону джаз битер.
- Ач отунчуну ачыуу – бурнунда.
- Башы джабылгъан челекге, кир тюшмез.
- Мал тутхан – май джалар.
- Тюкюрюк баш джармаз, налат кёз чыгъармаз!
- Дженгил джетерикме деб, узун джолну къоюб, къысхасын барма.
РУБАИ, ГАЗЕЛИ, КЫТА
Читают тему (гостей: 1)