- Урунуу – насыбны анасы.
- Эки къатын алгъанны къулагъы тынгнгаймаз.
- Аманны къуугъан, аманлыкъ табар.
- Джюрек кёзден алгъа кёрюр.
- Экиндини кеч къылсанг, чабыб джетер ашхам.
- Ачлыкъ отха секиртир.
- Кечеси – аяз, кюню – къыш, джарлы къаргъагъа бир аш тюш!
- Башда акъыл болмаса, эки аякъгъа кюч джетер.
- Джылар джаш, атасыны сакъалы бла ойнар.
- Адеб джокъда, намыс джокъ.
- Ишленмеклик адамлыкъды.
- Сакъалы текени да бар, мыйыгъы киштикни да бар.
- Эл элде бирер малынг болгъандан эсе, бирер тенгинг болсун.
- Акъылсызны джууукъгъа алма, акъыллыны кенгнге салма.
- Кийиминг бла танылма, адамлыкъ бла таныл.
- Итли къонакъ джарашмаз.
- Акъыллы – эл иеси, тели – эл баласы.
- Ач – эснер, ат – кишнер.
- Тыш элде солтан болгъандан эсе, кесинги элде олтан болгъан игиди!
- Джылкъыдан – ат чыгъар, тукъумдан – джаш чыгъар.
- Тилчиден кери бол.
- Тик ёргени, тик энгишгеси да болады.
- Татлы сёз – балдан татлы.
- Термилгенинги табмазса, кюлгенинге тюберсе.
- Ашхы адам – халкъ байлыгъы, ашхы джер – джашау байлыгъы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ата Джуртча джер болмаз, туугъан элча эл болмаз.
- Этни да ашады, бетни да ашады.
- Ач уят къоймаз.
- Ариу сёз джыланны орнундан чыгъарыр.
- Таула не мийик болсала да, аууш табылыр.
- Сабий кёргенин унутмаз.
- Ауругъан – джашаудан умутчу.
- Окъуусуз билим – джокъ, билимсиз кюнюнг – джокъ.
- Ач, тоймам, дейди, тойгъан, ач болмам, дейди.
- Агъач – джерни чырайы, кийим – эрни чырайы.
- Кюн кёрмеген, кюн кёрсе, кюндюз чыракъ джандырыр.
- Халкъны джырын джырласанг, халкъ санга эжиу этер.
- Къумурсхала джыйылсала, пилни да джыгъадыла.
- Босагъа таш юйге кирмей эди, тыбыр таш эшикге чыкъмай эди.
- Башы ишлегенни, ауузу да ишлер.
- Орну джокъну – сыйы джокъ.
- Кёрмегеннге кебек – танг, битмегеннге сакъал – танг.
- Ашхы – джыяр, аман – джояр.
- Къызгъанчдан ычхыныр, мухардан ычхынмаз.
- Аш берме да, къаш бер.
- Байма, деб да, къууанма, джарлыма, деб да, джылама.
- Арбаз сайлама да, хоншу сайла.
- Ишни ахырын ойламай, аллын башлама.
РУБАИ, ГАЗЕЛИ, КЫТА
Читают тему (гостей: 1)