- Къатын байлыкъны сюер, эр саулукъну сюер.
- Бети – къучакълар, джюреги – бычакълар.
- Келлик заман – къартлыкъ келтирир, кетген заман – джашлыкъ ёлтюрюр.
- Тамбла алтындан бюгюн багъыр ашхы.
- Ат да турмайды бир териде.
- Башы джабылгъан челекге, кир тюшмез.
- Экеулен сёлеше тура эселе, орталарына барыб кирме.
- Иги адамны бир сёзю эки болмаз.
- Джаным-тиним – окъуу, билим.
- Игини сыйлагъан адетди.
- Таш ата билмеген, башына урур.
- Ач бёрюге мекям джокъ.
- Къызны минг тилер, бир алыр.
- Игиге айтсанг – билир, аманнга айтсанг – кюлюр.
- Тулпарлыкъ, билекден тюл – джюрекден.
- Мухардан ач ычхынмаз.
- Ишге юренсин къоллары, халкъ бла болсун джоллары.
- Джангыз торгъай джырламаз.
- Илму – джашауну джолу.
- Тил – миллетни джаны.
- Ашлыкъ – бюртюкден, джюн – тюкден.
- Тёрдеги кюлсе, эшикдеги ышарыр.
- Чарсда алчыны эл кёреди.
- Тюзню ётмеги тюзде къалса да, тас болмаз.
- Чомартны къолун джокълукъ байлар.
- Хунаны тюбюн къазсанг, юсюнге ауар.
- Таукел къуру къалмаз.
- Къаллай салам берсенг, аллай джууаб алырса.
- Ашатыргъа иш – ашхы, ишлетирге аш – ашхы.
- Сёз къанатсыз учар.
- Ёпкелегенни ашы татлы болады.
- Ата – билек, ана – джюрек!
- Ёнгкюч къууана барыр, джылай келир.
- Бетинги сатма, малынгы сат.
- Башланнган иш битер, къымылдагъан тиш тюшер.
- Элде адам къалмаса, ит тахтагъа минер.
- Чакъырылмагъан къонакъ – орунсуз.
- Къарнынг бла ёч алма.
- Билимсиз иш бармаз.
- Алим болгъандан эсе, адам болгъан къыйынды.
- Бичгенде ашыкъма, тикгенде ашыкъ.
- Джумушакъ терекни къурт ашар.
- Ёксюзню къалачы уллу кёрюнюр.
- Чакъырылгъанны аты, чакъырылмагъанны багъасы болур.
- Сакъалы текени да бар, мыйыгъы киштикни да бар.
- Акъыл бла адеб эгизледиле.
- Чомарт бергенин айтмаз.
- Ата Джуртун танымагъан, атасын да танымаз.
- Кюн кёрмеген, кюн кёрсе, кюндюз чыракъ джандырыр.
- Суу ичген шауданынга тюкюрме.
РУБАИ, ГАЗЕЛИ, КЫТА
Читают тему (гостей: 1)