- Алгъанда – джууукъ, бергенде – джау.
- Таукелге нюр джауар.
- Бетинги сатма, малынгы сат.
- Уллу суу бла уллу ауруудан башынгы сакъла.
- Онгсузну – джакъла, тенгликни – сакъла.
- Къызны минг тилер, бир алыр.
- Аллахдан тилесенг, кёб тиле.
- Суугъа – чабакъ, къаягъа – ыргъакъ.
- Ёксюзню тилеги къабыл болур.
- Кёзню ачылгъаны – иги, ауузну джабылгъаны – иги.
- Нарт сёз къарт болмаз.
- Аджашхан тёгерек айланыр.
- Адамгъа аман кюн соруб келмейди.
- Кимни – тили, тиши онглу, кимни – къолу, иши онглу.
- Къарнынг бла ёч алма.
- Къонакъ аман болса, къонакъбай джунчур
- Кеси юйюмде мен да ханма.
- Айтханы чапыракъдан ётмеген.
- Эри аманны, къатыны – аман.
- Эрине къаргъыш этген къатын, эрнин къабар.
- Адам боллукъ, атламындан белгили болур.
- Ёксюзню къалачы уллу кёрюнюр.
- Зар адамны насыбы болмаз.
- Къатын къылыкъсыз, эр тынчлыкъсыз.
- Тик ёргени, тик энгишгеси да болады.
- Къарны аманнга къазан такъдырма, къолу аманнга от джакъдырма.
- Бир онгсуз адам адет чыгъарды, деб эштирик тюлсе.
- Орундукъ тюбюнде атылсам да, орта джиликме, де да айлан.
- Байлыкъ болгъан джерде, тынчлыкъ джокъду.
- Къонакъ кёб келюучю юйню, къазаны отдан тюшмез.
- Чомарт джарлы болмаз.
- Акъдан къара болмаз.
- Агъач – джерни чырайы, кийим – эрни чырайы.
- Иги адамны бир сёзю эки болмаз.
- Ишни аллы бла къууанма да, арты бла къууан.
- Окъугъанны бети джарыкъ.
- Сибиртки да сыйлы болду, кюрек да кюнлю болду.
- Акъыл неден да кючлюдю.
- Айран ичген – къутулду, джугъусун джалагъан – тутулду.
- Тынгылагъан тынгы бузар.
- Телиге акъыл салгъандан эсе, ёлгеннге джан салырса.
- Акъылсызны джууукъгъа алма, акъыллыны кенгнге салма.
- Билген билмегенни юретген адетди.
- Билмегенинги, билгеннге сор.
- Сакъ юйюне сау барыр.
- Булут кёкге джарашыу, уят бетге джарашыу.
- Алтыннга тот къонмаз.
- Адамны бетине къарама, адетине къара.
- Келлик заман – къартлыкъ келтирир, кетген заман – джашлыкъ ёлтюрюр.
- Аякъларынгы джууургъанынга кёре узат.
РУБАИ, ГАЗЕЛИ, КЫТА
Читают тему (гостей: 1)