- Уясында не кёрсе, учханында аны этер.
- Ач къарынны, токъ билмез
- Къызын тута билмеген, тул этер, джашын тута билмеген, къул этер.
- Хантына кёре тузу, юйюне кёре къызы.
- Билими азны – ауузунда кирит.
- Ётюрюкню къуйругъу – бир тутум.
- Миллетни бойну – базыкъ, аны бла кюрешген – джазыкъ.
- Кесинг сынамагъан затны, адамгъа буюрма.
- Ауурну тюбю бла, дженгилни башы бла джюрюген.
- Ёлген ийнек сютлю болур.
- Акъыл сабырлыкъ берир.
- Ашхы болсанг, атынг чыгъар, аман болсанг, джанынг чыгъар.
- Хунаны тюбюн къазсанг, юсюнге ауар.
- Хар зат кесини орнуна иги.
- Бюгюн дуния кибик, тамбла ахыратды.
- Келлик заман – къартлыкъ келтирир, кетген заман – джашлыкъ ёлтюрюр.
- Джиби бир къат джетмей эди да, эки къат тарта эди.
- Хаухну атма, ёнгкючню сатма.
- Рысхысына кёре, джаш ёсер, къышлыгъына кёре, мал ёсер.
- Ач, тоймам, дейди, тойгъан, ач болмам, дейди.
- Биреуню къыйынлыгъы бла кесинге джол ишлеме.
- Урама да – ёледи, сатама да – келеди.
- Тилчи бир сагъатха айлыкъ хата этер.
- Ёгюзню мюйюзлери ауурлукъ этмейдиле.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлыны тону джаз битер.
- Кёз – сюйген джерде, къол – ауругъан джерде.
- Иги – алгъыш этер, аман – къаргъыш этер.
- Къызны минг тилер, бир алыр.
- Аманны эки битли тону болур, бирин сеннге кийдирир, бирин кеси киер.
- Ойнай билмеген, уруб къачар.
- Таукел адам тау тешер.
- Эте билген, этген этеди, эте билмеген, юретген этеди!
- Тёзген – тёш ашар!
- Бети – къучакълар, джюреги – бычакълар.
- Окъ къызбайны джокълайды.
- Азыкълы ат арымаз, къатыны аман джарымаз.
- Къазанны башы ачыкъ болса, итге уят керекди.
- Эки элинги тыйсанг, джети элде махталырса.
- Аман адамны тепсинге олтуртсанг, къызынгы тилер.
- Элни кючю – эмеген.
- Дуния аламаты сен эсенг да, игиме деб айтма.
- Чакъырылмагъан къонакъ тёрге атламаз.
- Айныгъанлы алты кюн, тогъайгъанлы тогъуз кюн.
- Къуру гыбыт бек дыгъырдар.
- Тюз сёз баргъан сууну тыяр.
- Соргъан айыб тюлдю, билмеген айыбды.
- Аман хансны – урлугъу кёб.
- Къазанчы аман болса, къазаны къайнамаз.
- Джолда аягъынга сакъ бол, ушакъда тилинге сакъ бол.
РУБАИ, ГАЗЕЛИ, КЫТА
Читают тему (гостей: 1)