- Эм уллу байлыкъ – джан саулукъ.
- Ким бла джюрюсенг, аны кёзю бла кёрюнюрсе.
- Аджашханны ызындагъы кёреди, джангылгъанны джанындагъы биледи.
- Ётюрюк хапар аякъ тюбю бла джюрюйдю.
- Ауурну тюбю бла, дженгилни башы бла джюрюген.
- Баргъанынга кёре болур келгенинг.
- Ашлыкъны арба юйге келтирир, чана базаргъа элтир.
- Бек анасы джыламаз.
- Кюн кёрмеген, кюн кёрсе, кюндюз чыракъ джандырыр.
- Аманнга игилик этсенг, юйюнге сау бармазса.
- Урунуу – насыбны анасы.
- Атадан ёксюз – бир ёксюз, анадан ёксюз – эки ёксюз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл бла кёргенинг эрелей.
- Халкъны джырын джырласанг, халкъ санга эжиу этер.
- Хаухну атма, ёнгкючню сатма.
- Аджал соруб келмез, келсе, къайтыб кетмез.
- Ёлмесенг да, къарт дамы болмазса?
- Таула не мийик болсала да, аууш табылыр.
- Джаным-тиним – окъуу, билим.
- Адамны сабийин сюйген джюреги, бычакъча, джитиди.
- Къайтырыкъ эшигинги, къаты уруб чыкъма.
- Къарыусузгъа кюлме, онгсузгъа тийме.
- Ата джурт – алтын бешик.
- Хунаны тюбюн къазсанг, юсюнге ауар.
- Атлыны кёрсе, джаяуну буту талыр.
- Ач бёрюге мекям джокъ.
- Байны къызы баймакъ болса да, юйде къалмаз!
- Мухар, кеси тойса да, кёзю тоймаз.
- Миллетни бойну – базыкъ, аны бла кюрешген – джазыкъ.
- Керти сёзге тёре джокъ.
- Тёзген – тёш ашар!
- Тойгъан джерге джети къайт.
- «Ёгюз, джаргъа джууукъ барма, меннге джюк боллукъса», - дегенди эшек.
- Къызын тута билмеген, тул этер, джашын тута билмеген, къул этер.
- Аман хансны – урлугъу кёб.
- Тойгъа алгъа да барма, тойда артха да къалма.
- Адам сёзге тынгыла, акъыл сёзню ангыла.
- Айныгъанлы алты кюн, тогъайгъанлы тогъуз кюн.
- Джигер – джаннга къыйынлыкъ.
- Хар ишни да аллы къыйынды.
- Эшекге миннген – биринчи айыб, андан джыгъылгъан – экинчи айыб.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алим болгъандан эсе, адам болгъан къыйынды.
- Ач, тоймам, дейди, тойгъан, ач болмам, дейди.
- Эте билген, этген этеди, эте билмеген, юретген этеди!
- Окъугъан озар, окъумагъан тозар.
- Кёзю сокъурдан – къоркъма, кёлю сокъурдан – къоркъ.
- Зар адамны насыбы болмаз.
- Тилсиз миллет джокъ болур.
РУБАИ, ГАЗЕЛИ, КЫТА
Читают тему (гостей: 1)