- Оюмсуз атлагъан, аджалсыз ёлюр.
- Тас болгъан бычакъны сабы – алтын.
- Ачлыкъ отха секиртир.
- Аман адамны тепсинге олтуртсанг, къызынгы тилер.
- Арба аугъандан сора, джол кёргюзтюучю кёб болур.
- Тюзлюк шохлукъну бегитир.
- Къарын къуру болса, джюрек уру болур.
- Чалманны аллы къалай башланса, арты да алай барады.
- Атынг аманнга чыкъгъандан эсе, джанынг тамагъынгдан чыкъсын.
- Джигер – джаннга къыйынлыкъ.
- Сёз къанатсыз учар.
- Ач бёрюге мекям джокъ.
- Джарлыны эшигин махтагъан джабар.
- Ачлыкъда тары гырджын халыуадан татлы.
- Тилде сюек болмаса да, сюек сындырыр.
- Джаханимни кёрмей, джандетге кёл салмазса.
- Джашда акъыл джокъ, къартда къарыу джокъ.
- Къонагъынгы артмагъын алма да, алгъышын ал.
- Бал ашаргъа сюе эсенг, чибин ургъаннга тёз.
- Кийиминг бла танылма, адамлыкъ бла таныл.
- Джарлы джети элни сёзюн этер.
- Экеу тутушса, биреу джыгъылыр.
- Элиб деген, элге болушур.
- Сёз сёзню айтдырыр.
- Джылыгъа джылан илешир.
- Чомарт джарлы болмаз.
- Къарнынг ауруса, ауузунгу тый
- Эки ойлашыб, бир сёлешген.
- Зарда марда джокъ.
- Халкъны юйю – туугъан джери.
- Кирсизни – саны таза, халалны – къаны таза.
- Терслик кетер, тюзлюк джетер.
- Хансыз джомакъ болмаз.
- Акъыллы – эл иеси, тели – эл баласы.
- Таугъа чыгъаллыкъ эсенг, тюзде къалма.
- Уллу суу бла уллу ауруудан башынгы сакъла.
- Къазанны башы ачыкъ болса, итге уят керекди.
- Сабийни джумушха джибер да, ызындан бар.
- Ашха уста, юйюнде болсун
- Окъдан джара эртде-кеч болса да бителир, сёз джара, ёмюрге къалыр.
- Акъыллы айтыр эди, акъылсыз къоймайды.
- Аурууну келиую тынч, кетиую – къыйын.
- От кюйдюрген, сау болса да, тот кюйдюрген, сау болмаз.
- Джарашыу сюйген – джалынчакъ.
- Дууулдаса – бал чибин, къонса – къара чибин.
- Кесинг сынамагъан затны, адамгъа буюрма.
- Хазыр ашха – терен къашыкъ.
- Кёлю джокъну – джолу джокъ.
- Тёрдеги кюлсе, эшикдеги ышарыр.
- Башда акъыл болмаса, эки аякъгъа кюч джетер.
РУБАИ, ГАЗЕЛИ, КЫТА
Читают тему (гостей: 1)