- Ариу сёз джыланны орнундан чыгъарыр.
- Тенгни тенглиги джашай барсанг билинир.
- Акъыл неден да кючлюдю.
- Кюл тюбюндеги от кёрюнмейди.
- Кёбден умут этиб, аздан къуру къалма.
- Бастасын ашагъан, хантусун да ичер.
- Иги болса, тамадама – махтау, аман болса, меннге – айыб.
- Игини сыйлагъан адетди.
- Асхат ашлыкъ сата, юйдегиси ачдан къата.
- Чабакъгъа акъыл, табагъа тюшсе келеди.
- Къарнынг бла ёч алма.
- Билеги кючлю, бирни джыгъар, билими кючлю, мингни джыгъар.
- Къызбайны юйюне дери сюрсенг, батыр болур.
- Зар адамны насыбы болмаз.
- Ётген ёмюр – акъгъан суу.
- Малны кют, джерни тюрт.
- Тилчи бир сагъатха айлыкъ хата этер.
- Тыш элде солтан болгъандан эсе, кесинги элде олтан болгъан игиди!
- Тёзген – тёш ашар!
- Иги джашны ышаны – аз сёлешиб, кёб тынгылар.
- Юреннген ауруу къалмаз.
- Таш бла ургъанны, аш бла ур.
- Ёлюк кебинсиз къалмаз.
- Эли джокъну – кёлю джокъ.
- Ашхылыкъ джерде джатмайды, аманлыкъ суугъа батмайды.
- Зарда марда джокъ.
- Атлыны ашхысы, ат тизгининден билинир
- Ата Джуртуму башы болмасам да, босагъасында ташы болайым.
- Туз, гырджын аша, тюзлюк бла джаша.
- Джол бла сёзню къыйыры джокъ.
- Биреу ашаб къутулур, биреу джалаб тутулур.
- Бермеген къол, алмайды.
- Эм уллу байлыкъ – джан саулукъ.
- Хата – гитчеден.
- Къонагъынгы артмагъын алма да, алгъышын ал.
- Окъугъанны бети джарыкъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ойнай билмеген, оюн бузар.
- Къаллай салам берсенг, аллай джууаб алырса.
- Илму – джашауну джолу.
- Ёгюзню мюйюзюнден тутадыла, адамны сёзюнден тутадыла.
- Намысы болмагъанны, сыйы болмаз.
- Арба аугъандан сора, джол кёргюзтюучю кёб болур.
- Тамчы таш тешер.
- Чоюнну башы ачыкъ болса, итге уят керекди.
- Чомартха хар кюн да байрамды.
- Болджал ишни бёрю ашар.
- Джырчы джырчыгъа – къарнаш.
- Аджал соруб келмез, келсе, къайтыб кетмез.
- Окъуусуз билим – джокъ, билимсиз кюнюнг – джокъ.
РУБАИ, ГАЗЕЛИ, КЫТА
Читают тему (гостей: 1)