- Алтыннга тот къонмаз.
- Ёгюзню мюйюзлери ауурлукъ этмейдиле.
- Джарлыны тону джаз битер.
- Кёз – сюйген джерде, къол – ауругъан джерде.
- Эки ойлашыб, бир сёлешген.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарт болгъан джерде, берекет болур, сабий болгъан джерде, оюн болур.
- От кюйдюрген, сау болса да, тот кюйдюрген, сау болмаз.
- Туз, гырджын аша, тюзлюк бла джаша.
- Байлыкъ тауусулур, билим тауусулмаз.
- Айраннга суу къош, телиге джол бош.
- Харам къарнашдан, халал тенг ашхы.
- Джаралыны джастыгъында сау ёлюр.
- Бир онгсуз адам адет чыгъарды, деб эштирик тюлсе.
- Эки къатын алгъан – эки ташны ортасына башын салгъан.
- Намысы джокъну – дуниясы джокъ.
- Экеу тутушса, биреу джыгъылыр.
- Джашлыкъ этмеген, башлыкъ этмез.
- Олтуруб кёрюнмей эди да, ёрге туруб кёрюне эди.
- Агъач халкъгъа алтынды, иссиликге салкъынды.
- Аман къатын алгъан, арыр, иги къатын алгъан джарыр.
- Болджал ишни бёрю ашар.
- Ашлыкъны арба юйге келтирир, чана базаргъа элтир.
- Къазанны башы ачыкъ болса, итге уят керекди.
- Чакъырылмагъан къонакъ тёрге атламаз.
- Соргъан айыб тюлдю, билмеген айыбды.
- Окъугъанны бети джарыкъ.
- Кёрмегеннге кебек – танг, битмегеннге сакъал – танг.
- Арыгъан къош чамчы болур.
- Элиб деген, элге болушур.
- Тас болгъан бычакъны сабы – алтын.
- Ашда уялгъан – мухар, ишде уялгъан – хомух.
- Эм уллу байлыкъ – джан саулукъ.
- Ач келгенни – тойдур, кеч келгенни – къондур.
- Чакъырылгъанны аты, чакъырылмагъанны багъасы болур.
- Бермеген къол, алмайды.
- Иги болса, тамадама – махтау, аман болса, меннге – айыб.
- Арбаз сайлама да, хоншу сайла.
- Дженгил джетерикме деб, узун джолну къоюб, къысхасын барма.
- Билеги кючлю, бирни джыгъар, билими кючлю, мингни джыгъар.
- Ишлегенден, къарагъан уста.
- Бёрю да ач къалмасын, эчки да ашалмасын.
- Тёзгеннге, джабылгъан эшик ачылыр.
- Сёз къанатсыз учар.
- Ёмюрлюк шохлукъну джел элтмез.
- Джумушакъ терекни къурт ашар.
- Адебсиз адам – джюгенсиз ат.
- Къартны бурнун сюрт да, оноугъа тут.
- Эринчекни аурууу – кёб.
- Къарт айтханны этмеген, къартаймаз.
РУБАИ, ГАЗЕЛИ, КЫТА
Читают тему (гостей: 1)