- Адам къыйынлыгъын кёлтюрюр, зауукълугъун кёлтюрмез.
- Ёзденликни джайгъан – джокълукъ.
- Чомарт бергенин айтмаз.
- Ойнай-ойнай кёз чыгъар.
- Чакъырылмагъан джерге барма, чакъырылгъан джерден къалма.
- Ашлыкъны арба юйге келтирир, чана базаргъа элтир.
- Юйлю уругъа ит чабмаз.
- Байлыкъдан саулукъ ашхыды.
- Зар адам ашынгы ашар, кесинги сатар.
- Билмезни кёзю кёрмез, этмезни къулагъы эшитмез.
- Кёзден кетген, кёлден да кетеди.
- Бетинги сатма, малынгы сат.
- Аш иеси бла татлыды.
- Экеу тутушса, биреу джыгъылыр.
- Босагъа таш юйге кирмей эди, тыбыр таш эшикге чыкъмай эди.
- Бек ашыкъгъан меннге джетсин, дегенди аракъы.
- Мал тутхан – май джалар.
- Таш ата билмеген, башына урур.
- Бети къызарыучу адамны, джюреги харам болмаз.
- Мал кёб болса, джууукъ кёб болур.
- Эм ашхы къайын ана мамукъ бла башынгы тешер.
- Джырчы ёлсе, джыры къалыр.
- Къонакъны къачан кетерин сорма, къачан келлигин сор.
- Нафысынгы айтханын этме, намысынгы айтханын эт.
- Кёлсюзден сёзсюз тууар.
- Джогъун бар этген, барын бал этген.
- Садакъачыны джаны – къапчыгъында.
- Сескекли кесин билдирир.
- Башынга джетмегенни сорма.
- Сакъламагъан затынга джолукъсанг, не бек къууанаса, не бек ачыйса.
- Хар зат кесини орнуна иги.
- Адамны аманы адамны бети бла ойнар.
- Асхат ашлыкъ сата, юйдегиси ачдан къата.
- Айыбны суу бла джууалмазса.
- Къолунгдан къуймакъ ашатсанг да, атаны борчундан къутулмазса.
- Малны кют, джерни тюрт.
- Башсыз урчукъ тюзюне айланмаз.
- Aдам боллукъ, сыфатындан белгили.
- Терек ауса, отунчу – кёб.
- Башланнган иш битер, къымылдагъан тиш тюшер.
- Ачлыкъда тары гырджын халыуадан татлы.
- Кечеси – аяз, кюню – къыш, джарлы къаргъагъа бир аш тюш!
- Ашхы атаны – джашы ашхы, ашхы ананы – къызы ашхы.
- Уллу къазанда бишген эт, чий къалмаз.
- Баш – акъыл ючюн, акъылман – халкъ ючюн.
- Джарлы джети элни сёзюн этер.
- Суу кетер, таш къалыр.
- Азыкълы ат арымаз, къатыны аман джарымаз.
- Тойгъандан сора, ашны сёкме.
- Биреу ашаб къутулур, биреу джалаб тутулур.
РУБАИ, ГАЗЕЛИ, КЫТА
Читают тему (гостей: 2)