От этилмеген джерден тютюн чыкъмайды.
Таукел къуру къалмаз.
Билим ат болуб да чабар, къуш болуб да учар.
Кёб джашагъан – кёб билир.
Байдан умут эте, джарлыдан ёгюз багъасы къорады.
Ишге юренсин къоллары, халкъ бла болсун джоллары.
Аш хазыр болса, иш харам болур.
Адам боллукъ, атламындан белгили болур.
Джашынгы кесинг юретмесенг, джашау юретир.
Кёбден умут этиб, аздан къуру къалма.
Элге къуллукъ этмеген, элге ие болмаз.
Сютден ауузу кюйген, суугъа юфгюре эди.
Иги джашны ышаны – аз сёлешиб, кёб тынгылар.
Къыз тиширыу кеси юйюнде да къонакъды.
Къызын тута билмеген, тул этер, джашын тута билмеген, къул этер.
Уллу атлама – абынырса, уллу къабма – къарылырса.
Окъуусуз билим – джокъ, билимсиз кюнюнг – джокъ.
Тыш элде солтан болгъандан эсе, кесинги элде олтан болгъан игиди!
Аман адамны тепсинге олтуртсанг, къызынгы тилер.
Къозулугъунда тоймагъан, къойлугъунда тоймаз.
Аманны къуугъан, аманлыкъ табар.
Айныгъанлы алты кюн, тогъайгъанлы тогъуз кюн.
Тешик этген тынчды, аны джамагъан къыйынды.
Ач уят къоймаз.
Тамбла алтындан бюгюн багъыр ашхы.
Кёзю сокъурдан – къоркъма, кёлю сокъурдан – къоркъ.
Иесиз малны бёрю ашар.
Нёгер болсанг, тенг бол, тенг болмасанг, кенг бол.
Сабий кёргенин унутмаз.
Ариу сёзде ауруу джокъ.
Ойнаб айтсанг да, эслеб айт.
Къыз чыгъаргъан – къызыл къымжа.
Эринчекге кюн узун.
Телиге акъыл салгъандан эсе, ёлгеннге джан салырса.
Джангызны оту джарыкъ джанмаз!
Айтхан сёзюне табылгъан.
Эли джокъну – кёлю джокъ.
Айтылгъан буйрукъ, сёгюлмез
Ёгюзню мюйюзлери ауурлукъ этмейдиле.
Ашыкъгъан cуу, тенгизге джетмез.
Чакъырылгъанны аты, чакъырылмагъанны багъасы болур.
Джогъун бар этген, барын бал этген.
Кесине гебен этелмеген, биреуге черен эте эди.
Ауругъанны сау билмез, ач къарынны токъ билмез.
Ашыкъгъанны этеги бутуна чырмалыр.
Накъырда – кертини келечиси.
Дууулдаса – бал чибин, къонса – къара чибин.
Бет бетге къараса, бет да джерге къарар.
Тойгъан антын унутур.
Ойнай-ойнай кёз чыгъар.
