Расширенный поиск
19 Июля  2024 года
Логин: Регистрация
Пароль: Забыли пароль?
  • Туз, гырджын аша, тюзлюк бла джаша.
  • Ойнай билмеген, уруб къачар.
  • Намыс болмагъан джерде, насыб болмаз.
  • Эшекге миннген – биринчи айыб, андан джыгъылгъан – экинчи айыб.
  • Ауузу бла къуш тута айланады.
  • Сабий кёргенин унутмаз.
  • Ётген ёмюр – акъгъан суу.
  • «Ма», - дегенни билмесенг, «бер», - дегенни билмезсе.
  • Кёб джат да, бек чаб.
  • Душманны тышы – акъ, ичи – къара.
  • Джумушакъ сёз къаты таякъны сындырыр.
  • Тамбла алтындан бюгюн багъыр ашхы.
  • Ата джурт – алтын бешик.
  • Ышармагъан – кюлмез, кюлмеген – къууанчны билмез.
  • Шайтан алдады, тюзлюк къаргъады.
  • Ашхылыкъ джерде джатмайды, аманлыкъ суугъа батмайды.
  • Биреуню эскиси биреуге джангы болмайды.
  • Акъыллы эркиши атын махтар, акъылсыз эркиши къатынын махтар.
  • Хатерли къул болур.
  • Джарлы джети элни сёзюн этер.
  • Дуния аламаты сен эсенг да, игиме деб айтма.
  • Кёб ант этген, кёб ётюрюк айтыр.
  • Чарсда алчыны эл кёреди.
  • Сагъыш – къартлыкъгъа сюйюмчю.
  • Битмегеннге сакъал – танг.
  • Уллу къашыкъ эрин джыртар.
  • Ханы къызы буюгъа-буюгъа киштик болду.
  • Къар – келтирди, суу – элтди.
  • Таукел тауну аудурур.
  • Аш кетер да бет къалыр.
  • Сыфатында болмагъаны, суратында болмаз.
  • Аз сёлеш, кёб ишле.
  • Экиндини кеч къылсанг, чабыб джетер ашхам.
  • Ашхы – джыяр, аман – джояр.
  • Аджаллыгъа окъсуз шкок атылыр.
  • Чомарт къолда мал къалмаз.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Къонагъынгы артмагъын алма да, алгъышын ал.
  • Ёлген ийнек сютлю болур.
  • Азыгъы аз, алгъа къабар, аты аман, алгъа чабар.
  • Таш бла ургъанны, аш бла ур.
  • Джарлыны эшигин махтагъан джабар.
  • Итли къонакъ джарашмаз.
  • Билмегенинги, билгеннге сор.
  • Сабыр джетер муратха, сабырсыз къалыр уятха.
  • Ишленмеген джаш – джюгенсиз ат, ишленмеген къыз – тузсуз хант.
  • Тау башында, тау болмаз, джангыз терек, бау болмаз.
  • Дууулдаса – бал чибин, къонса – къара чибин.
  • Эки итни арасына сюек атма, эки адамны арасында сёз чыгъарма.
  • Джырына кёре эжиую.

Количество скачанных аудиофайлов

0 0 1
3 4 4
1 2 5
  •  Всего аудиофайлов

    0 0 5
    0 8 6
  • Исполнителей

    0 0 0
    2 1 9
  •  Объем (Мб)

    0 3 9
    8 0 2
  • Зарегистрируйтесь чтобы пользоваться плейлистом.