Аудио :: Аудио:: Катчиев Руслан

Къайтырыкъ эшигинги, къаты уруб чыкъма.
Адам туугъан джеринде, ит тойгъан джеринде.
Босагъа таш юйге кирмей эди, тыбыр таш эшикге чыкъмай эди.
Адамны бетине къарама, адетине къара.
Адам сёзюнден белгили.
Аман адамны тепсинге олтуртсанг, къызынгы тилер.
Биреуге кёлтюрген таягъынг, кесинги башынга урур.
Адам сёзге тынгыла, акъыл сёзню ангыла.
Ата – билек, ана – джюрек!
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ариу сёз джыланны орнундан чыгъарыр.
Бермеген къол, алмайды.
Ётюрюкчюню шагъаты – къатында.
Къулакъдан эсе, кёзге ышан.
Таш бла ургъанны, аш бла ур.
Босагъагъа джууукъ орун болса, ашыгъыб тёрге озма.
Элде адам къалмаса, ит тахтагъа минер.
Телиге акъыл салгъандан эсе, ёлгеннге джан салырса.
Азыкъ аз болса, эртде орун сал.
Ач, тоймам, дейди, тойгъан, ач болмам, дейди.
Джылыгъа джылан илешир.
Джангыз терек къынгыр ёсер.
Тилчиден кери бол.
Къонакъ аман болса, къонакъбай джунчур
Аман къатын алгъан, арыр, иги къатын алгъан джарыр.
Сакъламагъан затынга джолукъсанг, не бек къууанаса, не бек ачыйса.
Биреу къой излей, биреу той излей.
Тёрде – темир таякълы, къаяда – чыпчыкъ аякълы.
Этни бети бла шорпасы.
Джюрекге ариу – кёзге да ариу.
Урама да – ёледи, сатама да – келеди.
Ауузу бла къуш тута айланады.
Телини эшигин, махтау джабар.
Суу да къайтады чыкъгъан джерине.
Чомарт къонакъ юй иесин сыйлар.
Харам къарнашдан, халал тенг ашхы.
Джолда аягъынга сакъ бол, ушакъда тилинге сакъ бол.
Ёлген эшек бёрюден къоркъмайды.
Айран тёгюлсе, джугъусу къалыр.
Билмейме деген – бир сёз
Бёрю да ач къалмасын, эчки да ашалмасын.
Айныгъанлы алты кюн, тогъайгъанлы тогъуз кюн.
Татлы тилде – сёз ариу, чемер къолда – иш ариу.
Гырджын – тепсини тамадасы.
Иги джашны ышаны – аз сёлешиб, кёб тынгылар.
Аллахха ийнаннган кишини, Аллах онгдурур ишин.
Чакъырылмагъан къонакъ тёрге атламаз.
Эл бла кёргенинг эрелей.
Ётюрюкню башын керти кесер.
Байлыкъдан саулукъ ашхыды.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес