Аудио :: Аудио:: Катчиев Руслан

Чомарт къонакъ юй иесин сыйлар.
Тойгъан джерге джети къайт.
Джашны джигитлиги сорулур, къызны джигерлиги сорулур.
Таукел адам тау тешер.
Кёзден кетген, кёлден да кетеди.
Аман адамны тепсинге олтуртсанг, къызынгы тилер.
Накъырданы арты керти болур.
Байлыкъ келсе, акъыл кетер.
Къатын байлыкъны сюер, эр саулукъну сюер.
Бал чибинни ургъаны – ачы, балы – татлы.
Арбаз сайлама да, хоншу сайла.
Акъыл къартда, джашда тюйюлдю – башдады.
Гугурук къычырмаса да, тангны атары къалмаз.
Этек чакъмакълары баш джаргъан, сёлешген сёзлери таш джаргъан.
Урама да – ёледи, сатама да – келеди.
Тёзген – тёш ашар!
Ач къарным, тынч къулагъым.
Бозаны арты дауур болур.
Сууда джау джокъ, кёб сёзде магъана джокъ.
Къайгъы тюбю – тенгиз.
Борчунг бар эсе, хурджунунга ойлаб узал.
Тешик этген тынчды, аны джамагъан къыйынды.
Къызгъанчдан ычхыныр, мухардан ычхынмаз.
Ауузу аманнга «иги», деме.
Тилчи тилден къаныкъмаз.
Терек ауса, отунчу – кёб.
Ат басханны джер билед.
Къайгъыны сюйген, къайгъы табар.
Артына баргъанны, къатына барма.
Аман къатын сабий табса, бий болур…
Кесине оноу эте билмеген, халкъына да эте билмез.
Ариу – кёзге, акъыл – джюрекге.
Шапа кёб болса, аш татымсыз болур.
Нарт сёз къарт болмаз.
Адебсиз адам – джюгенсиз ат.
Хар ишни да аллы къыйынды.
Биреу ашаб къутулур, биреу джалаб тутулур.
Сабыр джетер муратха, сабырсыз къалыр уятха.
Керилген да, ургъан кибикди.
Керти сёзге тёре джокъ.
Душманны тышы – акъ, ичи – къара.
Окъуусуз билим – джокъ, билимсиз кюнюнг – джокъ.
Биреу къой излей, биреу той излей.
Мадар болса, къадар болур.
Къобан да къуру да къобханлай турмайды, адам да къуру да патчахлай турмайды.
Ашын ашагъанынгы, башын да сыйла.
Акъыл сабырлыкъ берир.
Атлыны кёрсе, джаяуну буту талыр.
Ашда уялгъан – мухар, ишде уялгъан – хомух.
Ёпкелегенни ашы татлы болады.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес