Песен: 119 Создан:
06.05.2015 Обновлен:
06.05.2015
| 10 Декабря | 2025 года |
Навигация
- Джаш болсун, къыз болсун, акъылы, саны тюз болсун.
- Ишлегенден, къарагъан уста.
- Aдам боллукъ, сыфатындан белгили.
- Къар – келтирди, суу – элтди.
- Келгинчи, къонакъ уялыр, келгенден сора, къонакъбай уялыр.
- Бал ашаргъа сюе эсенг, чибин ургъаннга тёз.
- Тыш элде солтан болгъандан эсе, кесинги элде олтан болгъан игиди!
- Абынмазлыкъ аякъ джокъ, джангылмазлыкъ джаякъ джокъ.
- Кёзню ачылгъаны – иги, ауузну джабылгъаны – иги.
- Иги джашны ышаны – аз сёлешиб, кёб тынгылар.
- Тил бла келеди джыр да.
- Ач келгенни – тойдур, кеч келгенни – къондур.
- Алтыннга тот къонмаз.
- Ичимден чыкъды хата, къайры барайым сата?
- Гугук кесини атын айтыб къычыргъанча, мен, мен деб нек тураса?
- Тёзген – тёш ашар!
- Кёлсюзден сёзсюз тууар.
- Ойнай билмеген, оюн бузар.
- Джашда акъыл джокъ, къартда къарыу джокъ.
- Ариу – кёзге, акъыл – джюрекге.
- Къатыны харакетли болса, эри къымсыз болур.
- Эринчекни аурууу – кёб.
- Мадар болса, къадар болур.
- Окъдан джара эртде-кеч болса да бителир, сёз джара, ёмюрге къалыр.
- Аурууну келиую тынч, кетиую – къыйын.
- Къонакъ болсанг, ийнакъ бол.
- Намыс болмагъан джерде, насыб болмаз.
- Бичгенде ашыкъма, тикгенде ашыкъ.
- Аш берме да, къаш бер.
- Агъач – джерни чырайы, кийим – эрни чырайы.
- Иши джокъну, сыйы джокъ.
- Байлыкъдан саулукъ ашхыды.
- Тынгылагъан тынгы бузар.
- Игилик игилик бла сингдирилиучю затды.
- Огъурлуну сёзю – суу, огъурсузну сёзю – уу.
- Кёрмегеннге кебек – танг, битмегеннге сакъал – танг.
- Рысхы джалгъанды: келген да этер, кетген да этер.
- Тамчы таш тешер.
- Сабий болмагъан джерде, мёлек болмаз.
- Ауругъан – джашаудан умутчу.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къызны минг тилер, бир алыр.
- Акъыл неден да кючлюдю.
- Джюз элде джюз ёгюзюм болгъандан эсе, джюз джууугъум болсун.
- Къыйынлы джети элни къайгъысын этер.
- Ана къойну – балагъа джандет.
- Суугъа – таянма, джаугъа – ийнанма.
- Юй ишлеген балта эшикде къалыр.
- Мал ёлсе, сюек къалыр, адам ёлсе, иши къалыр.
- Джумушакъ сёз къаты таякъны сындырыр.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
