Песен: 119 Создан:
06.05.2015 Обновлен:
06.05.2015
| 14 Июля | 2025 года |
Навигация
- Къолунгдан къуймакъ ашатсанг да, атаны борчундан къутулмазса.
- Ана къолу ачытмаз.
- Тулпарлыкъ, билекден тюл – джюрекден.
- Къонакъ аман болса, къонакъбай джунчур
- Магъанасыз сёз – тауушсуз сыбызгъы.
- Биреуге кёлтюрген таягъынг, кесинги башынга урур.
- Ишге юренсин къоллары, халкъ бла болсун джоллары.
- Тура эдим джата, къайдан чыкъды хата?
- Намысы болмагъанны, сыйы болмаз.
- Джети тилни билген джети кишиди.
- Юре билмеген ит, къонакъ келтирир.
- Кёзден кетген, кёлден да кетеди.
- Джырчы джырчыгъа – къарнаш.
- Керти сёзге тёре джокъ.
- Къалгъан ишге къар джауар.
- Сютню башын джалагъан къутулур, тюбюн ичген тутулур.
- Игилик игилик бла сингдирилиучю затды.
- Эшекге миннген – биринчи айыб, андан джыгъылгъан – экинчи айыб.
- Билим – акъылны чырагъы.
- Ашха уста, юйюнде болсун
- Тынгылагъан тынгы бузар.
- Эки итни арасына сюек атма, эки адамны арасында сёз чыгъарма.
- Алгъанда – джууукъ, бергенде – джау.
- Адамгъа аман кюн соруб келмейди.
- Аш кетер да бет къалыр.
- Ышармагъан – кюлмез, кюлмеген – къууанчны билмез.
- Битмегеннге сакъал – танг.
- Адамны джюреги нени кёрюрге сюйсе, кёзю да аны кёрюрге ёч болады.
- Иги адамны бир сёзю эки болмаз.
- Асхат ашлыкъ сата, юйдегиси ачдан къата.
- Кесинг сынамагъан затны, адамгъа буюрма.
- Аманнга игилик этсенг, юйюнге сау бармазса.
- Къралынгы – душмандан, башынгы от бла суудан сакъла.
- Ишлемеген – тишлемез.
- Кёз – сюйген джерде, къол – ауругъан джерде.
- Байлыкъ келсе, акъыл кетер.
- Ёксюзню тилеги къабыл болур.
- Къозулугъунда тоймагъан, къойлугъунда тоймаз.
- Сакъ юйюне сау барыр.
- Билимсиз иш бармаз.
- Къарнынг бла ёч алма.
- Таугъа чыгъаллыкъ эсенг, тюзде къалма.
- Кёлсюзден сёзсюз тууар.
- Тешик этген тынчды, аны джамагъан къыйынды.
- Кесине оноу эте билмеген, халкъына да эте билмез.
- Джарлыны эшигин махтагъан джабар.
- Эл ауузу – элек, анга ийнаннган – халек.
- Къыз келсе, джумуш эте келеди, къатын келсе, ушакъ эте келеди.
- Кёб къычыргъандан – къоркъма, тынч олтургъандан – къоркъ.
- Сабийликде юретмесенг, уллу болса – тюзелмез.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
