Песен: 2 Создан:
20.01.2018 Обновлен:
29.01.2018
| 23 Января | 2025 года |
Навигация
- Кечеси – аяз, кюню – къыш, джарлы къаргъагъа бир аш тюш!
- Акъыл къартда, джашда тюйюлдю – башдады.
- Джан саулукъ бермей, сан саулукъ бермезсе.
- Къолу уллу – асыу, аягъы уллу – джарсыу.
- Шапа кёб болса, аш татымсыз болур.
- Азыкъ аз болса, эртде орун сал.
- Тин – байлыгъынг, терен саулугъунг.
- Оюмсуз атлагъан, аджалсыз ёлюр.
- Бек ашыкъгъан меннге джетсин, дегенди аракъы.
- Акъыл сабырлыкъ берир.
- Ёлюр джаннга, ёкюл джокъ.
- Адамгъа аман кюн соруб келмейди.
- Керти сёзге тёре джокъ.
- Адам сёзюнден белгили.
- Хата – гитчеден.
- Магъанасыз сёз – тауушсуз сыбызгъы.
- Асхат ашлыкъ сата, юйдегиси ачдан къата.
- Ашхы сёз таш тешер.
- Кесине гебен этелмеген, биреуге черен эте эди.
- Эл тойса, тоймагъан, эл къойса, къоймагъан.
- Адеб джокъда, намыс джокъ.
- Ашхы – джыяр, аман – джояр.
- Юйлю уругъа ит чабмаз.
- Таякъ этден ётер, тил сюекден ётер.
- Айран ичген – къутулду, джугъусун джалагъан – тутулду.
- Биреуню къыйынлыгъы бла кесинге джол ишлеме.
- Къолунгдан къуймакъ ашатсанг да, атаны борчундан къутулмазса.
- Арпа, будай – ащды, алтын, кюмюш а – ташды.
- Аман адам этегингден тутса, кес да къач.
- Тойгъандан сора, ашны сёкме.
- Олтуруб кёрюнмей эди да, ёрге туруб кёрюне эди.
- Иги болса, тамадама – махтау, аман болса, меннге – айыб.
- Туз, гырджын аша, тюзлюк бла джаша.
- Ётген ёмюр – акъгъан суу.
- Ханнга да келеди хариблик.
- Ач – эснер, ат – кишнер.
- Адамны артындан къара сабан сюрме.
- Джауумдан сора, кюн кюйдюрюр, ётюрюкден сора, айыб кюйдюрюр.
- Биреуню эскиси биреуге джангы болмайды.
- Уллу сёлешме да, уллу къаб.
- Айырылмаз джууугъунга, унутмаз сёзню айтма.
- Ашын ашагъанынгы, башын да сыйла.
- Тойгъа барсанг, тоюб бар, эски тонунгу къоюб бар.
- Къазанны башы ачыкъ болса, итге уят керекди.
- Башы джабылгъан челекге, кир тюшмез.
- Джолунга кёре – джюрюшюнг, джагъанга кёре – юлюшюнг.
- Адебсиз адам – джюгенсиз ат.
- Орундукъ тюбюнде атылсам да, орта джиликме, де да айлан.
- Ёзденликни кёбю ётюрюк.
- Къонагъынгы артмагъын алма да, алгъышын ал.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
