Аудио :: Аудио:: Гергокаева Халимат

Джюз элде джюз ёгюзюм болгъандан эсе, джюз джууугъум болсун.
Соргъан айыб тюлдю, билмеген айыбды.
Нёгерсизни джолу узун.
Аманнга да, игиге да оноусуз къатышма.
Бети бедерден, намыс сакълама.
Илму – джашауну джолу.
Кёбню кёрген – кёб билир.
Махтаннган къыз, тойда джукълар.
Сютню башын джалагъан къутулур, тюбюн ичген тутулур.
Иги адам абынса да, джангылмаз.
Къарт айтханны этмеген, къартаймаз.
Уллу суу бла уллу ауруудан башынгы сакъла.
Къызгъанчдан ычхыныр, мухардан ычхынмаз.
Ётюрюкден тюбю джокъ, кёлтюрюрге джиби джокъ.
Къызны минг тилер, бир алыр.
Эм ашхы къайын ана мамукъ бла башынгы тешер.
Эл бла кёргенинг эрелей.
Ариу сёз – къылычдан джити.
Ариу сёз джыланны орнундан чыгъарыр.
Къызбайны юйюне дери сюрсенг, батыр болур.
Аш хазыр болса, иш харам болур.
Къазанны башы ачыкъ болса, итге уят керекди.
Къыз чыгъаргъан – къызыл къымжа.
Ашхылыкъ джерде джатмайды, аманлыкъ суугъа батмайды.
Къызын тута билмеген, тул этер, джашын тута билмеген, къул этер.
Чомартны къолу берекет.
Ёзденликни кёбю ётюрюк.
Атадан ёксюз – бир ёксюз, анадан ёксюз – эки ёксюз.
Джетген къыз джерли эшекни танымаз.
Ётюрюкню къуйругъу – бир тутум.
Аман эсирсе, юйюн ояр.
Ишни ахырын ойламай, аллын башлама.
Ёлген эшек бёрюден къоркъмайды.
Джол бла сёзню къыйыры джокъ.
Айтханы чапыракъдан ётмеген.
Аджаллыгъа окъсуз шкок атылыр.
Адебни адебсизден юрен.
Миллетни бойну – базыкъ, аны бла кюрешген – джазыкъ.
Ёлюк кебинсиз къалмаз.
Башланнган иш битер, къымылдагъан тиш тюшер.
Биреуню къыйынлыгъы бла кесинге джол ишлеме.
Къарын къуру болса, джюрек уру болур.
Билеги кючлю, бирни джыгъар, билими кючлю, мингни джыгъар.
Кирсизни – саны таза, халалны – къаны таза.
Болджал ишни бёрю ашар.
Къанны къан бла джуума, аманны аман бла къуума.
Нарт сёз – тилни бети.
Ёгюзню мюйюзлери ауурлукъ этмейдиле.
Ишге юренсин къоллары, халкъ бла болсун джоллары.
Бетинги сатма, малынгы сат.

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес