Расширенный поиск
17 Июня 2019 года
Логин: Регистрация
Пароль: Забыли пароль?
Навигация
Словарь
  • Нёгерсизни джолу узун.
  • Эски джаугъа ышанма.
  • Бек ашыкъгъан меннге джетсин, дегенди аракъы.
  • Билмегенинги, билгеннге сор.
  • Аман эсирсе, юйюн ояр.
  • Ат да турмайды бир териде.
  • Ашхы сёз таш тешер.
  • Кёзню ачылгъаны – иги, ауузну джабылгъаны – иги.
  • Aдам боллукъ, сыфатындан белгили.
  • Къарнынг бла ёч алма.
  • Дуния малгъа сатылма, кесингден телиге къатылма.
  • Тойгъан антын унутур.
  • Айран ичген – къутулду, джугъусун джалагъан – тутулду.
  • Ургъан суудан башынгы сакъла.
  • Джолда аягъынга сакъ бол, ушакъда тилинге сакъ бол.
  • Тюз сёз баргъан сууну тыяр.
  • Эринчекни аурууу – кёб.
  • Бети бедерден, намыс сакълама.
  • Арбаз къынгырды да, ийнек сауалмайма.
  • Чомартны къолу берекет.
  • Билим насыб берир, билим джолну керир.
  • Къарнынг тойгъунчу аша да, белинг талгъынчы ишле.
  • Кийим тукъум сордурур.
  • Башы джабылгъан челекге, кир тюшмез.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Кечеси – аяз, кюню – къыш, джарлы къаргъагъа бир аш тюш!
  • Айырылгъанланы айю ашар, бёлюннгенлени бёрю ашар.
  • Накъырданы арты керти болур.
  • Кеси юйюмде мен да ханма.
  • Ауругъаннга – кийик саулукъ, джетген къызгъа – чилле джаулукъ.
  • Аш берме да, къаш бер.
  • Тёзгеннге, джабылгъан эшик ачылыр.
  • Азыгъы аз, алгъа къабар, аты аман, алгъа чабар.
  • Ач – эснер, ат – кишнер.
  • Бек анасы джыламаз.
  • Болджал ишни бёрю ашар.
  • Къайгъыны сюйген, къайгъы табар.
  • Тамырсыз терекге таянма – джыгъылырса.
  • Кимни – тили, тиши онглу, кимни – къолу, иши онглу.
  • Ашын ашагъанынгы, башын да сыйла.
  • Кийиминг бла танылма, адамлыкъ бла таныл.
  • Джолунга кёре – джюрюшюнг, джагъанга кёре – юлюшюнг.
  • Чомарт къолда мал къалмаз.
  • Акъыл аздырмаз, билим тоздурмаз.
  • Экеулен сёлеше тура эселе, орталарына барыб кирме.
  • Къайгъы тюбю – тенгиз.
  • Намысы болмагъанны, сыйы болмаз.
  • Билген билмегенни юретген адетди.
  • Урунуу – насыбны анасы.
  • Къайтырыкъ эшигинги, къаты уруб чыкъма.

Аудио

Узденов Альберт

Файлов: 48

Обновлен: 06.07.2017

  • Узденов Альберт Акъчепкен
(Голосов: 14, Рейтинг: 4.93)

Описание

Дата: 27.05.2012
Прослушиваний: 2491
Скачиваний: 1572
Размер: 10.23 МБ
Текст песни:
муз. и сл. Альберта Узденова

Болгъан кибик сени кёрген кюнюмде,
Кёз аллыма сыфатынгы келтирсем,
Сен джюзесе къанкъаз халда кёлюмде.
Бу болумдан аязыргъа тебресем.

Кёзлерими къысыб, солуу алмайын
"Сабыр болсанг" деген менде умутха,
Акъ къанкъазча нюрюнг чырт бой салмайын,
Кёлтюрюб, ташаяды булутха.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Кюнден кюннге мен барама, тюшюне,
Сени кемсиз кереклинге - джаныма.
Кетген кече сени кёрдюм тюшюмде,
Акъ кийиниб келген эдинг къатыма.

Булбул джырлаб, чайкъай джайны хауасын,
Саугъа этген кибик бизге ауазын,
Кери эдик хар сагъышдан, ёчешден,
Уянмайын къалгъа эдим ол тюшден.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Комментариев нет

  • Зарегистрируйтесь чтобы пользоваться плейлистом.