Песен: 46 Создан:
06.05.2015 Обновлен:
29.01.2018
| 27 Апреля | 2024 года |
Навигация
- Мухарны эси – ашарыкъда.
- Джогъун бар этген, барын бал этген.
- Къыз тиширыу кеси юйюнде да къонакъды.
- Джуртун къоругъан озар.
- Джангыз торгъай джырламаз.
- Керти сёзге тёре джокъ.
- Тил джюрекге джол ишлейди.
- Мал кёб болса, джууукъ кёб болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Ач, тоймам, дейди, тойгъан, ач болмам, дейди.
- Нарт сёз – тилни бети.
- Хатерли къул болур.
- Тилчи тилден къаныкъмаз.
- Билим ат болуб да чабар, къуш болуб да учар.
- Къралынгы – душмандан, башынгы от бла суудан сакъла.
- Къонакъ болсанг, ийнакъ бол.
- Дженгил джетерикме деб, узун джолну къоюб, къысхасын барма.
- Тёзген – тёш ашар!
- Телиге акъыл салгъандан эсе, ёлгеннге джан салырса.
- Джарлы тюеге минсе да, ит къабар.
- Къонакъ хазыр болгъанлыкъгъа, къонакъбай хазыр тюлдю.
- Керилген да, ургъан кибикди.
- Къозулугъунда тоймагъан, къойлугъунда тоймаз.
- Берекет берсин деген джерде, берекет болур.
- Байлыкъ тауусулур, билим тауусулмаз.
- Ким бла джюрюсенг, аны кёзю бла кёрюнюрсе.
- Суу да къайтады чыкъгъан джерине.
- Алгъанда – джууукъ, бергенде – джау.
- Хансыз джомакъ болмаз.
- Джахил болса анасы, не билликди баласы?
- Джашынгы кесинг юретмесенг, джашау юретир.
- Рысхы – сют юсюнде кёмюк кибикди.
- Келинни – келгинчи, бёркню кийгинчи кёр.
- Эрине къаргъыш этген къатын, эрнин къабар.
- Мал ёлсе, сюек къалыр, адам ёлсе, иши къалыр.
- Билимден уллу байлыкъ джокъду.
- Уллу атлама – абынырса, уллу къабма – къарылырса.
- Аман адамны тепсинге олтуртсанг, къызынгы тилер.
- Кесине оноу эте билмеген, халкъына да эте билмез.
- Эл элде бирер малынг болгъандан эсе, бирер тенгинг болсун.
- Айыбны суу бла джууалмазса.
- Туз, гырджын аша, тюзлюк бла джаша.
- Эки къатын алгъан – эки ташны ортасына башын салгъан.
- Ата джурт – алтын бешик.
- Ач отунчуну ачыуу – бурнунда.
- Таукел тауну аудурур.
- Халкъгъа джарагъан, джарлы къалмаз.
- Кёпюр салгъан кеси ётер, уру къазгъан кеси кетер.
- Къарнынг тойгъунчу аша да, белинг талгъынчы ишле.
- Иги бла джюрюсенг, джетерсе муратынга, аман бла джюрюсенг, къалырса уятха.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
