Аудио :: Аудио:: Радиопередачи / Radyoberiule

Бойнуму джети джерден кессенг да, мен ол ишни этеллик тюлме.
Чакъырылгъанны аты, чакъырылмагъанны багъасы болур.
Акъыл неден да кючлюдю.
Кютгени беш эчки, сызгъыргъаны уа, джерни джарады.
Джаш болсун, къыз болсун, акъылы, саны тюз болсун.
Тешик этген тынчды, аны джамагъан къыйынды.
Атынг аманнга чыкъгъандан эсе, джанынг тамагъынгдан чыкъсын.
Джарлыны эшигин махтагъан джабар.
Болджал ишни бёрю ашар.
Дуния малгъа сатылма, кесингден телиге къатылма.
Ана къолу ачытмаз.
Атлыны ашхысы, ат тизгининден билинир
Къолу уллу – асыу, аягъы уллу – джарсыу.
Хазыр ашха – терен къашыкъ.
Къатын байлыкъны сюер, эр саулукъну сюер.
Ишни аллы бла къууанма да, арты бла къууан.
Джауумдан сора, кюн кюйдюрюр, ётюрюкден сора, айыб кюйдюрюр.
Билим къая тешер.
Тёгюлген тюгел джыйылмайды.
Кёпюр салгъан кеси ётер, уру къазгъан кеси кетер.
Акъыллы айтыр эди, акъылсыз къоймайды.
Танг атмайма десе да, кюн къоярыкъ тюйюлдю.
Къалгъан ишге къар джауар.
Сёз къанатсыз учар.
Накъырданы арты керти болур.
Адеб джокъда, намыс джокъ.
Бети бедерден, намыс сакълама.
Телиге от эт десенг, юйюнге от салыр.
Эркишиге тары кебек танг кёрюнюр.
Хантына кёре тузу, юйюне кёре къызы.
Джан саулукъ бермей, сан саулукъ бермезсе.
Ашлыкъны арба юйге келтирир, чана базаргъа элтир.
Биреуню эскиси биреуге джангы болмайды.
Ёлмесенг да, къарт дамы болмазса?
Кийиминг бла танылма, адамлыкъ бла таныл.
Сёз садакъдан кючлюдю.
Урама да – ёледи, сатама да – келеди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Онгсузну – джакъла, тенгликни – сакъла.
Ёнгкюч къууана барыр, джылай келир.
Борчунг бар эсе, хурджунунга ойлаб узал.
Джыйырма къойну юч джыйырма эбзе кюте эди.
Ётген ёмюр – акъгъан суу.
Минг тенг да азды, бир джау да кёбдю.
Элни кючю – эмеген.
Къобан да къуру да къобханлай турмайды, адам да къуру да патчахлай турмайды.
Иесиз малны бёрю ашар.
Булут кёкге джарашыу, уят бетге джарашыу.
Эринчекге кюн узун.
Туз, гырджын аша, тюзлюк бла джаша.

Логин:	Регистрация

Пароль:	Забыли пароль?

Запомнить меня

Аудио

Радиопередачи / Radyoberiule

Скачать

Адрес