Аудио :: Аудио:: Теппеев Алим

Аякъларынгы джууургъанынга кёре узат.
Чомартны къолу берекет.
Алгъанда – джууукъ, бергенде – джау.
Билеги кючлю, бирни джыгъар, билими кючлю, мингни джыгъар.
Ашхы – джыяр, аман – джояр.
Ашхы атаны – джашы ашхы, ашхы ананы – къызы ашхы.
Адебсиз адам – джюгенсиз ат.
Айныгъанлы алты кюн, тогъайгъанлы тогъуз кюн.
Ишни аллы бла къууанма да, арты бла къууан.
Сёз – кюмюш, джыр – алтын.
Къонакъ кёб келюучю юйню, къазаны отдан тюшмез.
Халкъгъа джарагъан, джарлы къалмаз.
Аш кетер да бет къалыр.
Ат басханны джер билед.
Джахил болса анасы, не билликди баласы?
Къарнынг къанлынга кийирир.
Окъдан джара эртде-кеч болса да бителир, сёз джара, ёмюрге къалыр.
Ойнай-ойнай кёз чыгъар.
Кёб къычыргъандан – къоркъма, тынч олтургъандан – къоркъ.
Ашын ашагъанынгы, башын да сыйла.
Ачлыкъ отха секиртир.
Джылыгъа джылан илешир.
Чабакъ башындан чирийди.
Бек анасы джыламаз.
Илму – джашауну джолу.
Кечеси – аяз, кюню – къыш, джарлы къаргъагъа бир аш тюш!
Кюн – узун, ёмюр – къысха.
Тёгюлген тюгел джыйылмайды.
Аджаллыгъа окъсуз шкок атылыр.
Эркишини аманы тиширыуну джылатыр.
Бет бетге къараса, бет да джерге къарар.
Ариу сёз – джаннга азыкъ, аман сёз – башха къазыкъ.
Ёксюзню къалачы уллу кёрюнюр.
Юйюнг бла джау болгъандан эсе, элинг бла джау бол.
Иги адам абынса да, джангылмаз.
Тас болгъан бычакъны сабы – алтын.
Айырылгъанланы айю ашар, бёлюннгенлени бёрю ашар.
Аш иеси бла татлыды.
Сабийликде юретмесенг, уллу болса – тюзелмез.
Зар адам ашынгы ашар, кесинги сатар.
Чомарт джарлы болмаз.
Сагъыш – къартлыкъгъа сюйюмчю.
Ашхы сёз таш тешер.
Джангыз терек къынгыр ёсер.
Ишлегенден, къарагъан уста.
Эл тойса, тоймагъан, эл къойса, къоймагъан.
От этилмеген джерден тютюн чыкъмайды.
Къыз чыгъаргъан – къызыл къымжа.
Къуру гыбыт бек дыгъырдар.
Айтылгъан сёз ызына къайтмаз.

Логин:	Регистрация

Пароль:	Забыли пароль?

Запомнить меня

Аудио

Теппеев Алим

Скачать

Адрес