Аудио :: Аудио:: Шидакова Аминат

Ишлегенден, къарагъан уста.
Бети – къучакълар, джюреги – бычакълар.
Аш кетер да бет къалыр.
Тешигини къатында, чычхан да батыр болур.
Бичгенде ашыкъма, тикгенде ашыкъ.
Акъдан къара болмаз.
Намысы джокъну – дуниясы джокъ.
Чакъырылмагъан къонакъ – орунсуз.
Оюмсуз атлагъан, аджалсыз ёлюр.
Къар – келтирди, суу – элтди.
Джарлы эскисин джамаса, къууаныр.
Ач, тоймам, дейди, тойгъан, ач болмам, дейди.
Ишлерге уял да, ашаргъа табма.
Айтхан сёзюне табылгъан.
Аманны тукъумуна къарама, игини тукъумун сорма.
Къарнынг ауруса, ауузунгу тый
Суу кетер, таш къалыр.
Мадар болса, къадар болур.
Эм уллу байлыкъ – джан саулукъ.
Чабакъсыз кёлге къармакъ салгъанлыкъгъа, чабакъ тутмазса.
Эринчекни аурууу – кёб.
Тилчи тилден къаныкъмаз.
Мухар, кеси тойса да, кёзю тоймаз.
Уллу суу бла уллу ауруудан башынгы сакъла.
Ана къолу ачытмаз.
Къонакъны къачан кетерин сорма, къачан келлигин сор.
Адамгъа аман кюн соруб келмейди.
Бир абыннган – минг сюрюнюр.
Адамны джюреги нени кёрюрге сюйсе, кёзю да аны кёрюрге ёч болады.
Ашхылыкъ джерде джатмайды, аманлыкъ суугъа батмайды.
От этилмеген джерден тютюн чыкъмайды.
Кёбге таш атма.
Джарлы тюеге минсе да, ит къабар.
Аурууну келиую тынч, кетиую – къыйын.
Атадан ёксюз – бир ёксюз, анадан ёксюз – эки ёксюз.
Эки элинги тыйсанг, джети элде махталырса.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билимден уллу байлыкъ джокъду.
Уясында не кёрсе, учханында аны этер.
Тойгъан антын унутур.
Нёгер болсанг, тенг бол, тенг болмасанг, кенг бол.
Миллетни бойну – базыкъ, аны бла кюрешген – джазыкъ.
Окъуу – билимни ачхычы, окъуу – дунияны бачхычы.
Ата джурт – алтын бешик.
Алма терегинден кери кетмез.
Адебсиз адам – джюгенсиз ат.
Ашхы адам – халкъ байлыгъы, ашхы джер – джашау байлыгъы.
Эски джаугъа ышанма.
Ёпкелегенни ашы татлы болады.
Джетген къыз джерли эшекни танымаз.

Логин:	Регистрация

Пароль:	Забыли пароль?

Запомнить меня

Аудио

Шидакова Аминат

Скачать

Адрес