Навигация

Elbrusoid.org

Словарь

Кесинг сынамагъан затны, адамгъа буюрма.
Эллинг бла джау болсанг да, юйюнг бла джау болма.
Къатыны харакетли болса, эри къымсыз болур.
Чабакъсыз кёлге къармакъ салгъанлыкъгъа, чабакъ тутмазса.
Кюлме джашха – келир башха.
Таш ата билмеген, башына урур.
Къартны сыйын кёрмеген, къартлыгъында сыйлы болмаз.
Тик ёргени, тик энгишгеси да болады.
Мен да «сен», дейме, сен да «кесим», дейсе.
Сагъышы джокъ – джукъучу, акъылы джокъ – къаугъачы.
Джогъун бар этген, барын бал этген.
Чабар ат – джетген къыз.
Айтхан – тынч, этген – къыйын.
Окъдан джара эртде-кеч болса да бителир, сёз джара, ёмюрге къалыр.
Къарнынг къанлынга кийирир.
Адамны аманы адамны бети бла ойнар.
Ойнай билмеген, уруб къачар.
Шайтан алдады, тюзлюк къаргъады.
Адебни адебсизден юрен.
Чомарт къонакъ юй иесин сыйлар.
Байлыкъ адамны сокъур этер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къыз келсе, джумуш эте келеди, къатын келсе, ушакъ эте келеди.
Эки итни арасына сюек атма, эки адамны арасында сёз чыгъарма.
Ашхы адам – халкъ байлыгъы, ашхы джер – джашау байлыгъы.
Аууздан келген, къолдан келсе, ким да патчах болур эди.
Зарда марда джокъ.
Ач къарынны, токъ билмез
Харам къарнашдан, халал тенг ашхы.
Ёлюр джаннга, ёкюл джокъ.
Тойгъан джерден туугъан джер игиди.
Ана кёлю – балада, бала кёлю – талада.
Къарт айтханны этмеген, къартаймаз.
Айраннга суу къош, телиге джол бош.
Арба аугъандан сора, джол кёргюзтюучю кёб болур.
Зар адам ашынгы ашар, кесинги сатар.
Иги бла джюрюсенг, джетерсе муратынга, аман бла джюрюсенг, къалырса уятха.
Ханы къызы буюгъа-буюгъа киштик болду.
Хар зат кесини орнуна иги.
Ёлген эшек бёрюден къоркъмайды.
Ариу сёз – къылычдан джити.
Ач келгенни – тойдур, кеч келгенни – къондур.
Къуру гыбыт бек дыгъырдар.
Байлыкъ тауусулур, билим тауусулмаз.
«Ёгюз, джаргъа джууукъ барма, меннге джюк боллукъса», - дегенди эшек.
Чомартха хар кюн да байрамды.
Билимли ёлмез, билимсиз кёрмез.
Айранын берсенг, челегин да къызгъанма.
Юй ишлеген балта эшикде къалыр.
Билеги кючлю, бирни джыгъар, билими кючлю, мингни джыгъар.