Навигация

Elbrusoid.org

Словарь

Насыблыны баласы кюн кюнден да баш болур, насыбсызны баласы, кюн кюнден да джаш болур.
Ёлюр джаннга, ёкюл джокъ.
Душманны тышы – акъ, ичи – къара.
Къумурсхала джыйылсала, пилни да джыгъадыла.
Ач да бол, токъ да бол – намысынга бек бол.
Аз айтсам, кёб ангылагъыз.
Ишлерге уял да, ашаргъа табма.
Адам къыйынлыгъын кёлтюрюр, зауукълугъун кёлтюрмез.
Ашыкъгъан cуу, тенгизге джетмез.
Чабакъгъа акъыл, табагъа тюшсе келеди.
Орундукъ тюбюнде атылсам да, орта джиликме, де да айлан.
Телини эшигин, махтау джабар.
Аллахдан тилесенг, кёб тиле.
Халкъгъа джарагъан, джарлы къалмаз.
Чоюнну башы ачыкъ болса, итге уят керекди.
Айтханы чапыракъдан ётмеген.
Эм уллу байлыкъ – джан саулукъ.
Эте билген, этген этеди, эте билмеген, юретген этеди!
Ёмюрлюк шохлукъну джел элтмез.
Агъач – джерни чырайы, кийим – эрни чырайы.
Джумушакъ сёз къаты таякъны сындырыр.
Адебни адебсизден юрен.
Мен да «сен», дейме, сен да «кесим», дейсе.
Ётюрюкню башын керти кесер.
Къатын байлыкъны сюер, эр саулукъну сюер.
Акъыл аздырмаз, билим тоздурмаз.
Джол бла сёзню къыйыры джокъ.
Ашда – бёрю, ишде – ёлю.
Телиге от эт десенг, юйюнге от салыр.
Ата Джуртун танымагъан, атасын да танымаз.
Къууут – джелге, берне – бошха.
Къыйынлы джети элге оноу этер.
Ач келгенни – тойдур, кеч келгенни – къондур.
Айырылмаз джууугъунга, унутмаз сёзню айтма.
Игилик игилик бла сингдирилиучю затды.
Джырчы джырчыгъа – къарнаш.
Экеулен сёлеше тура эселе, орталарына барыб кирме.
Ханнга да келеди хариблик.
Сёлеш деб шай берген, тохта деб, сом берген.
Алтыннга тот къонмаз.
Келинни – келгинчи, бёркню кийгинчи кёр.
Халкъны джырын джырласанг, халкъ санга эжиу этер.
Ауругъаннга – кийик саулукъ, джетген къызгъа – чилле джаулукъ.
От кюйдюрген, сау болса да, тот кюйдюрген, сау болмаз.
Чомартны къолун джокълукъ байлар.
Кёлю джокъну – джолу джокъ.
Сормай – алма, чакъырылмай – барма.
Башынга джетмегенни сорма.
Джарлыны эшигин махтагъан джабар.
Мал ёлсе, сюек къалыр, адам ёлсе, иши къалыр.