Навигация

Elbrusoid.org

Словарь

Битмегеннге сакъал – танг.
Ойнаб айтсанг да, эслеб айт.
Мухарны эси – ашарыкъда.
Алма терегинден кери кетмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Намысы болмагъанны, сыйы болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреуню къыйынлыгъы бла кесинге джол ишлеме.
Кенгеш болса, уруш болмаз.
Босагъагъа джууукъ орун болса, ашыгъыб тёрге озма.
Ишленмеген джаш – джюгенсиз ат, ишленмеген къыз – тузсуз хант.
Эркишини аманы тиширыуну джылатыр.
Бал чибинни ургъаны – ачы, балы – татлы.
Ата Джуртуму башы болмасам да, босагъасында ташы болайым.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бичгенде ашыкъма, тикгенде ашыкъ.
Хазыр ашха – терен къашыкъ.
Чёбню кёлтюрсенг, тюбюнден сёз чыгъар.
Бир абыннган – минг сюрюнюр.
Кесинге джетмегенни, кёб сёлешме.
Окъугъан – асыу, окъумагъан – джарсыу.
Билимден уллу байлыкъ джокъду.
Байны къызы баймакъ болса да, юйде къалмаз!
Ач къарынны, токъ билмез
Тенги кёбню джау алмаз, акъылы кёбню дау алмаз.
Арбаз къынгырды да, ийнек сауалмайма.
Къатыны харакетли болса, эри къымсыз болур.
Ач, тоймам, дейди, тойгъан, ач болмам, дейди.
Чабар ат – джетген къыз.
Хар ишни да аллы къыйынды.
Къартха ушагъан джаш – акъыллы, джашха ушагъан къарт – тели.
Ханнга да келеди хариблик.
Чомарт къонакъ юй иесин сыйлар.
Ариу – кёзге, акъыл – джюрекге.
Джылар джаш, атасыны сакъалы бла ойнар.
Бойнуму джети джерден кессенг да, мен ол ишни этеллик тюлме.
Тынгылагъан тынгы бузар.
Эл ауузу – элия.
Сыфатында болмагъаны, суратында болмаз.
Терек ауса, отунчу – кёб.
Къарнынг тойгъунчу аша да, белинг талгъынчы ишле.
Гугурук къычырмаса да, тангны атары къалмаз.
Суу кетер, таш къалыр.
Ауругъан – джашаудан умутчу.
Ашхы сёз таш тешер.
Тешигини къатында, чычхан да батыр болур.
Ойнай билмеген, уруб къачар.
Къууут – джелге, берне – бошха.
Аз сёлешген, къайгъысыз турур.
Ишни аллы бла къууанма да, арты бла къууан.