Навигация

Elbrusoid.org

Словарь

Ишлерге уял да, ашаргъа табма.
Ата джурт – алтын бешик.
Aдам боллукъ, сыфатындан белгили.
Акъыл къартда, джашда тюйюлдю – башдады.
Алим болгъандан эсе, адам болгъан къыйынды.
Кюн кёрмеген, кюн кёрсе, кюндюз чыракъ джандырыр.
Телиге акъыл салгъандан эсе, ёлгеннге джан салырса.
Эски джаугъа ышанма.
Чарсда алчыны эл кёреди.
Дуния мал дунияда къалады.
Биреу ашаб къутулур, биреу джалаб тутулур.
Ышармагъан – кюлмез, кюлмеген – къууанчны билмез.
Кимни – тили, тиши онглу, кимни – къолу, иши онглу.
Сакъ юйюне сау барыр.
Джиби бир къат джетмей эди да, эки къат тарта эди.
Эрине къаргъыш этген къатын, эрнин къабар.
Окъугъан – асыу, окъумагъан – джарсыу.
Хар сёзню орну барды.
Джашда акъыл джокъ, къартда къарыу джокъ.
Борчунг бар эсе, хурджунунга ойлаб узал.
Орну джокъну – сыйы джокъ.
Къан бла кирген, джан бла чыгъар.
Мени джылытмагъан кюн, меннге тиймесин!
Чомартны къолун джокълукъ байлар.
Нарт сёз – тилни бети.
Суугъа – чабакъ, къаягъа – ыргъакъ.
Къызбайны юйюне дери сюрсенг, батыр болур.
Бир онгсуз адам адет чыгъарды, деб эштирик тюлсе.
Къонакъны къачан кетерин сорма, къачан келлигин сор.
Ургъан суудан башынгы сакъла.
Ата Джуртча джер болмаз, туугъан элча эл болмаз.
Окъугъан озар, окъумагъан тозар.
Эки итни арасына сюек атма, эки адамны арасында сёз чыгъарма.
Билимли ёлмез, билимсиз кёрмез.
Чакъырылмагъан къонакъ къачан кетерин сормаз.
Акъыллы айтыр эди, акъылсыз къоймайды.
Айтылгъан буйрукъ, сёгюлмез
Аз айтсам, кёб ангылагъыз.
Зарда марда джокъ.
Бир абыннган – минг сюрюнюр.
Къралынгы – душмандан, башынгы от бла суудан сакъла.
Кийимни бичсенг, кенг бич, тар этген къыйын тюлдю.
Къарт бла баш аша, джаш бла аякъ аша.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къарын къуру болса, джюрек уру болур.
Билгенни къолу къарны джандырыр.
Джылар джаш, атасыны сакъалы бла ойнар.
Къарт айтханны этмеген, къартаймаз.
Ариу сёз – джаннга азыкъ, аман сёз – башха къазыкъ.
Эринчекни эр алмаз, эр алса да, кёл салмаз, кёл салса да, кёб бармаз!