- Ёзденликни джайгъан – джокълукъ.
- Тюзлюк тас болмайды.
- Сабий болмагъан джерде, мёлек болмаз.
- Эл тойса, тоймагъан, эл къойса, къоймагъан.
- Адебсиз адам – джюгенсиз ат.
- Хата – гитчеден.
- Билими азны – ауузунда кирит.
- Тойгъа барсанг, тоюб бар, эски тонунгу къоюб бар.
- Чарсда алчыны эл кёреди.
- Босагъагъа джууукъ орун болса, ашыгъыб тёрге озма.
- Адамны аманы адамны бети бла ойнар.
- Биреуге аманлыкъ этиб, кесинге игилик табмазса.
- Тамырсыз терекге таянма – джыгъылырса.
- Адеб этмеген, адеб кёрмез.
- Аякъларынгы джууургъанынга кёре узат.
- Джетген къыз джерли эшекни танымаз.
- Атадан ёксюз – бир ёксюз, анадан ёксюз – эки ёксюз.
- Эртде тургъан бла эртде юйленнген сокъуранмаз.
- Тилчиден кери бол.
- Ёлген эшек бёрюден къоркъмайды.
- Акъыллы эркиши атын махтар, акъылсыз эркиши къатынын махтар.
- Хар зат кесини орнуна иги.
- Ариу сёз – джаннга азыкъ, аман сёз – башха къазыкъ.
- Таукелге нюр джауар.
- Акъыл неден да кючлюдю.
- Юйюнг бла джау болгъандан эсе, элинг бла джау бол.
- Эринчекни эр алмаз, эр алса да, кёл салмаз, кёл салса да, кёб бармаз!
- Биреу къой излей, биреу той излей.
- Ётюрюк хапар аякъ тюбю бла джюрюйдю.
- Байма, деб да, къууанма, джарлыма, деб да, джылама.
- Бал чибинни ургъаны – ачы, балы – татлы.
- Къызны минг тилер, бир алыр.
- Къазанда болса, чолпугъа чыгъар.
- Ашхы болсанг, атынг чыгъар, аман болсанг, джанынг чыгъар.
- Орну джокъну – сыйы джокъ.
- Ышармагъан – кюлмез, кюлмеген – къууанчны билмез.
- Ач да бол, токъ да бол – намысынга бек бол.
- Къазанчы аман болса, къазаны къайнамаз.
- Ач къарынны, токъ билмез
- Аман адамны тепсинге олтуртсанг, къызынгы тилер.
- Керек ташны ауурлугъу джокъ.
- Аллахдан тилесенг, кёб тиле.
- Кёб ант этген, кёб ётюрюк айтыр.
- Къызын тута билмеген, тул этер, джашын тута билмеген, къул этер.
- Биреу ашаб къутулур, биреу джалаб тутулур.
- Джаханимни кёрмей, джандетге кёл салмазса.
- Дуния аламаты сен эсенг да, игиме деб айтма.
- Ашхы – джыяр, аман – джояр.
- Тойгъандан сора, ашны сёкме.
- Билим ат болуб да чабар, къуш болуб да учар.
Къара чачлыны Акъ сёзю. *, Ас–саляму алейкум! «Передай другому» оюнну таныймысыз? Ахшы тёре менде тохтамасын: былайда Рахайланы Диананы (форумда аты Къара чачлы) чыгъармаларын сала барлыкъма.
20.04.2016 18:40:57
Диананы жашауда да таныгъаным себепли, аны юсюнден бир–эки сагъышымы айтайым деп болгъан эдим, алай а керекмиди? Жазыучуну юсюнден эм иги аны чыгъармалары айтадыла...
РАХАЙЛАНЫ Диана Тюймегиз! Гитче заманымда мени угъай, къызын-жашын да мен тюйюучю эдим! Атам бир бек къууана эди! Нек десенг, ол жашчыкъ сюйгени себепли, мени жашбай къылыкъларым - аны кёлюн кётюре эдиле. Ма Энди уа уллу жашаугъа кесим атлап чыкъгъанлы, акъылларым мени ортагъа алып, сабийлигингде тюйюлмегенинг ючюн, уллулугъунгда тюйюл деп, зая этедиле мени... Энди бише келген акъылчыкъла окъуна чимдип ачытыргъа кюрешедиле, шо мен ачыгъандан алагъа не тюше болур? Абаданлары уа аякъларын созадыла, жыл санлары келгенликге, жашаудан тоймагъандыла да, манга табанларын ышыяллыкъларына жюреклери бла ийнанадыла. Жазыкъла. Адамла бу дуниядан кетгенча, акъыллагъа да болса эди ёлген тёре. Ансы была, мени жояр умут бла жашай, ауузларында суулары болмаса да, ауругъан окъуна этмейдиле. Манга керек эди аллай саулукъ! Былай халларына къарасанг, тюз да инсанлачадыла. Жангыз да бир иги ишлери барды, аладан айырмалы, "зарлыкъ" дегенден ангылаулары жокъду!
Изменено: |
|
|
|
20.04.2016 18:49:08
Огъур бла башлайыкъ бу теманы!)) shaudan, сау бол!)) Къалай иги иш этдинг)), ансы Диана джашлай "великий поэт" болуб къалды да)), къалай эсе да тансыгъыбызны алалмай къалгъанча болуб тура эдик. Андан-мындан ишитгениме кере, кеси да телевидениеде энчи программасын бардыра болурму дейме? Билген билмегенлеге хапар айтыгъыз), кесине да салам айтыгъыз, бери чакъырыгъыз). Мен Диананы эм бек Общественная палатагъа сайлаулада Тоторкулов Алийге чеб атхан сагъатда Апалистан деб бир татлы тенгчиги бла кюн сайын бир джангы хапарларын айтыб сайлаула бла байламлы, хар кимни келлерин келтюрюб, кез ачдырыб тургъанын эсимде тутама. Анда-мында "къызыл джыйрыкъ" кийген къызлагъа урушса да)), урушханы кезюме керюнмейди)), ол сайлауланы заманында джарыкъ керюнюб къалгъанын тутама кез туурамда. Алай бла не заманда да излеб турама джазарын, керюнюрюн Эльбрусоидни сайтыны бетлеринде, артыкъ да бек форумда)). |
|||
|
|
20.04.2016 18:51:46
shaudan, таманы атында "Рахайланы Диана" деб къошулса уа сюерик эдим, не джашырыу)))
|
|
|
|
20.04.2016 18:53:53
Ребекка,
хау, умут этгенича, журналистика бла да кюрешеди, энчи бериуню элтеди. Тил бла тарых — Диананы бёлюмю. Саламыгъыз узакъ болсун.) |
|
|
|
20.04.2016 18:56:34
Ребекка,
Къара чачлыны форум таныйды деп, никни андан жаздым.) Тюрлендирирге бола эсе, бир къарарма. |
|
|
|
20.04.2016 19:01:06
shaudan, огъай-огъай, таб этгенсе нени да)), Къара чачлы деб таныйбыз барыбыз да))... анга къошакъгъа дейме, ансы теманы атындан ники кетиб боллукъ тюлдю))
Можно "Рахайланы Диананы (Къара чачлыны) акъ сезю" Форумгъа джангы адам кирсе, не да яндекс бла, не башха интернетде поисковик бла Рахайланы Диананы назмуларын излеген адам болса, аты бла, тукъуму бла блайгъа чыгъарча. |
|
|
|
20.04.2016 19:18:05
РАХАЙЛАНЫ Диана
Жюрегим Бичакъ иги кесмесе, аны билейдиле билеу бла… Алай бичакъны борчуду кесерге, ол аны ючюндю жашауда. Машнаны дингили ашалса, ачылады темири, алай ол тохтап къалмаса да, барыргъа кюрешеди, бир да болмаса, башха чарх салырла. Мени жюрегим кемирилип барады, ашалып, жутулуп, хар не да бош тырналгъандан башланнган эди, къан чыгъады дедиле да, энди хайда жырт, хайда сой! Мен аны не бла алышырма, башха жюрек табылырмы?
Изменено: |
|
|
|
21.04.2016 02:17:44
Теманы атында (къатында) Къара чачлы ким болгъаны бек кескин айтылыбды. Тургъаныча къалса да, бир хатасы джокъду.
Алай а, керти тукъуму, аты эм аллында джазылса керек эсе - уллу харифле бла (Дианагъа алай тыйыншлыды) - былай джазылса: РАХАЙЛАНЫ ДИАНАНЫ (Къара чачлыны ) АКЪ СЁЗЮ. (Къалгъаны - джазылгъаныча. Алай а, теманы къурагъан Шаудан, табын кеси биле болур). Бу темаланы ачханыгъыз нечик иги болду. Мен бир макале (статья) джаза тебрегенме. Аты: "ЮЧДЕН ДАГЪАН ТАЙМАЗ". Джаш поэзиябызны юч деменгили дагъаны - Айшат, Диана, Лаура. Келир джыл бу заманнга тамамлаяллыкъ болурма деб турама. Сёз бютеу къарачай-малкъар джаш поэзиябызны юсюнден барлыкъды. Аллай тинтиу ишни литературоведлерибизден ким болса да, менден алгъа джазыб къойса, бек къууанныкъма. Аллай иш джазылыргъа уа керекди. Джазылыб, мен билмей турургъа да боллукъма. Алай эсе, манга бир билдиригиз. Барыгъызгъа да - Игилик-Ашхылыкъ. |
|
|
|
21.04.2016 16:27:49
Охоооууу, манга? Тема? Мен аман зат эсем да, уялыргъа, бош жерде да ёчме, шендю дарман бла ёсген бир турмала бардыла, къыыып-къызылчыкъла, тюз ма алай болама. Хау, хау, эфирге чыкъсам, пудраны жартысы жоюлду алайда))))))).
Шаудан-Лаура, сау бол, бу да китапларымдан башха боллукъ тюйюлдю манга!))) Ребекка, къалай иги эди ол Тоторкъулланы Алийге къолла жыйгъан заман, ох этген эдим Хасания бла Акъ сууда айланып, бир Холам-Бызынгы аууздан болгъан болса уа жууукълукъ чыгъарып))))))). Ол заманда мен Малкъарлыла ( Огъары Малкьардан) чыкьгьанла бир бирлерин Холам-Бызынгычыладан къаты тутханларын керюп, уялгъан эдим, сорма сен аланы! Бир кере уа къарангы болуп къалады да, Акъ сууну башында тургъанлай, жаныбыз кетеди, Абузеит да бара турама деп, биз да сакълап (((((. Ма бир кере уа сууубуз бошалып, Хасанияны бир терен орамында, тилибиз тартылгьан эди ариу... $))))))) Иги кезиучюкле! Ааааа унутуп къоя эдим:Алий Хасанович манга так и чурукьла алмады, хау, хау, ол заман мен бир пара балетка бла бир пара босоножка жыртханма, кстати 😃
"Къадарны этегинде...","Сени ючюн"...(с)
|
|
|
|
21.04.2016 17:10:40
Къара чачлы,
не сау бол.) Быллай «китапланы» уа сора талайын да этерме, сиз жазып туругъуз ансы. «Бюджетный издатель.»)))
Изменено: |
|
|
|
21.04.2016 17:17:45
РАХАЙЛАНЫ Диана
Эски гуму Заман бир кёп терслик этеди: Жылла бара, ыспас кетеди, Кимге, неге къыйын салсанг да, Эсге алалмасанг, алсанг да. Эски гуму, саман гуму уа Къалды болуп къынгыр, аулу да. Энди жангыз кеси турады, Эсинги бир кёп затха бурады: Эртте ариу эди, толу да, Чомарт, бере билген къоллу да, Анда бишлакъ чыккыр, будай да, Тауукълагъа нартюх, унла да... Тургъандыла ариу сюртюп да, Ауун алып, сыйпап тюбюн да... Заман бир кёп терслик этеди, Хар не да ма былай кетеди. Энди айтадыла кёргенле: "Къарачыгъыз,-деп,- мюйюшлеге! Жарылмагъан бири да болмай, Къалай турасыз муну оймай?" Башынг оюлгъанда ичинге, Жарамайса энди кишиге . Не этсинле сени уа энди? Жаш заманынг, къара, кетгенди. Санга не айып, айтама бош. Адам къаты да къалады шош. Ой, этме, эски гуму, жарсыу, Сауну да къурутады ачыу! 8 апрель, 2013 ж. |
|
|
|
21.04.2016 17:27:25
Чакъырма тоюнга
Менден башханы Алып, Анда сюйгенинги Табып, Чакъырма тоюнга... Мени кесимлей Къоюп, Умутуму кесип, Жоюп, Башханы къысып Къоюнунга, Барырмамы тоюнга? Айтханымы буруп Оюннга, Сезимден къачып, Барып да тоюнга, Не этерме Жарамы ачып? Алгъан болсанг Башханы, Ачмайын тасхамы, Келген жашладан Мен да бирине барырма, Жаш тууса атына Атынгы атап алырма. Мен жашымы Сюерме экилеп, Уллу сёлешмем Анга! Къызынг болса уа Тилеп, Келечини иерме санга! 11.11.2014 жыл |
|
|
|
21.04.2016 18:10:55
Къара чачлы, къуру уялып турма)) личкада соруугъа джууап нек бермейсе?)
|
|
|
|
24.04.2016 12:45:05
Бу назму , "Къыйналма, Атам"деген назмудан сора эм сюйген назмумду...
Экинчи назму китабымы аты да былай аталыпды , китап мындан башланады. Атам мени назмучулукъ ишимде баш жерни алады, мени Атам -мени дуниямды, хар нем да мени -Олду! Не ишде да , хомух болма, хайт де, мен сениблама деп, билеклик этеди. Мен онжети жылымдан башлап китап басмаларгъа хазыр эдим, къырал телерикди де да, создур да тур, алай бла эки жыл тас болуп, биринчи китабым 19-жылда чыкъды, ызы бла жыйырма жылыма экинчи. Аллах айтса, бу жылны ичинде энтта бир китап бла къууандырама. Мен не союзгъа, не бир башхагьа ышанмайма, Аллаха Шукур, кесими къыйыныма китапларымы басмалайма. Ол эки жыл тас болмаса, шендю ючюнчю китапны угъай, бешинчини да басмаларыкъ болур эдим, билген Аллахды... "Бизни поэзияда бек кючлю назмуланы сафына къошуллукъду бу "Сени ючюн" деген назму. Бирер назмудан къуралгъан антология джыйыла тебиресе, бу назмуну уялмай, ары салыргъа боллукъду. Бек къууандым, Диана". Лайпанланы Билал КъЧР-ни халкъ поэти, КъЧкъУ сыйлы доктору, Миллетле арасы Тюрк академияны сыйлы академиги. Сени ючюн... Болурча тукъумгъа баш, Туусун хар юйюрде да Жаш. Къызгъанмасын Аллах атадан Уланны, Аны атын сакълагъан. Бир юйюр да Болуп мадар, Ёз жашсыз къалмасын. Атала санала баргъан Къадар, Тукъум терекде Белги салынмасын. Жаш туудукъгъа Термилмесин Къарт ата Ёмюрню къыйырында. Излегенин кёрмей Кетмесин, Жилямугъу Агьа мыйыгъына. Бир таулу атаны Арбазы да, Бош къалып, Ханс басмасын. Башха юйюрлю къызы да, Анга Тарала къалмасын. О Атам, багъалы Атам, Бу назмуну да тиземе Сени ючюн! Жангыдан тууарча Мен болсам, Жаш болуп Тууар эдим, Сени ючюн! Кеч мени, тийген эсем Кёлюнге, Сыйынмай Къалмадым сёзюнге. Кеч мени Былай сюйгеними, Кеч мени юйден Кетгеними! Чакъыр, къайтайым, Сени ючюн! Жаз къызыуда Биченде, Халкъны Жашы ишлегенде. Кеч, жашлача Ишлеялмадым, Санга билеклик Эталмадым. Алай, кюрешдим, Сени ючюн! Сабий заманда, Кечеде: "Жаш болуп Тууар эди",-дей Къалкъыдым. Не медет, Эрттенликде, Биягъыча жарсыдым. Неге да хазыр эдим Сени ючюн! Болгъанынгда Юйден узакъда, Кийиминги къучакълай, Жукъладым, Кюнле ёте, тургъанча Тузакъда, "Къызым" дегенинги Сакъладым. Жерингде уа, ырыслап, Жатмадым... Сени ючюн! Ёчюлте жаулагъа Дертими, Кёзлериме къарап, Окъудунг ниетими. Кёрдюнгмю Къалай сюйгеними? Сенича ким ангылар Мени? Сенден букъдурайым Нени? Атам, дуния жолуна Чыкъдым, Кёп жарсыуну да Жыкъдым. Ыразыма, Ата борчунгу Толтураса, Жашау дагъаным Болуп тураса. Сени ючюн эте Хар атламымы, Санга тилек бла Атдырама тангымы. Кечериксе Жангыз къызынгы, Сакъларыкъма мен Ызынгы! Ёхтемлигинг, Ёзденлигинг къанымда! Насийхатынг хар Заманда жанымда! Жол чырагъымса, Атам, мени, Менича ким сюер сени? Сентябрь ай, 2014 жыл.
Изменено:
"Къадарны этегинде...","Сени ючюн"...(с)
|
|
|
|
24.04.2016 13:04:09
Жангыз ёсгеннге болурма, огъесе халимиди..., ачыуланыргъа сакъма... Сора назму тизип, жаратып, бир кесекден а жаратмай, думп этип къояма, артда уа чогъеж болама...
Бу назмуну жазып а уллу сёлешгенме... Алай кечгинлик тилегенден сора , мени жюрегими теренинде муратын Аллах къабыл этгенди! Излемейме жукъ Кёкде Акъ булутла Тау тёппеге Къонадыла. Жюрекде Акъ умутла, О Аллах, Толадыла! Мен а Энди билмей Не тилерге, Башымы иймей Къара жерге, Кётюреме Кёкге, ёрге... Сыйлы Аллах, Барды хар нем. Жукъдан Тюйюлме кем. Дуниям- Атам,Анам, Табылады Назму тизерге Къалам. Ыразыма мен Хар кюнюме, Замансыз бушуу Кирмесин юйюме! Бер деп, Излемейме жукъ, Ачымасын Тенг -жууукъ. Кёкде булутла Болсунла Къуру акъла, Жангыз бир тилек: Бар насыбымы Сакъла! 17.10.2014 ж.
Изменено:
"Къадарны этегинде...","Сени ючюн"...(с)
|
||||
|
|
|||
Читают тему (гостей: 1)