- Къартны сыйын кёрмеген, къартлыгъында сыйлы болмаз.
- Гырджын – тепсини тамадасы.
- Къолунгдан къуймакъ ашатсанг да, атаны борчундан къутулмазса.
- Арбаз къынгырды да, ийнек сауалмайма.
- Эл бла кёргенинг эрелей.
- Джылкъыдан – ат чыгъар, тукъумдан – джаш чыгъар.
- Сескекли кесин билдирир.
- Эринчекни аурууу – кёб.
- Кюн – узун, ёмюр – къысха.
- Зар адам ашынгы ашар, кесинги сатар.
- Игилик игилик бла сингдирилиучю затды.
- Къуру гыбыт бек дыгъырдар.
- Кёлю джокъну – джолу джокъ.
- Ойнай-ойнай кёз чыгъар.
- Аллахха ийнаннган кишини, Аллах онгдурур ишин.
- Ачлыкъда тары гырджын халыуадан татлы.
- Джашынгы кесинг юретмесенг, джашау юретир.
- Арба аугъандан сора, джол кёргюзтюучю кёб болур.
- Бал чибинни ургъаны – ачы, балы – татлы.
- Ариу сёз – къылычдан джити.
- Аджал соруб келмез, келсе, къайтыб кетмез.
- Ариу сёз аурууунгу алыр.
- Кёкдеги болмаса, джердегин кёрмейди.
- Ашыкъгъанны этеги бутуна чырмалыр.
- Булут кёкге джарашыу, уят бетге джарашыу.
- Аманны эки битли тону болур, бирин сеннге кийдирир, бирин кеси киер.
- Тил джюрекге джол ишлейди.
- Адам къаллай бир ишленмесе, аллай бир кесин уллу кёреди.
- Айран ичген – къутулду, джугъусун джалагъан – тутулду.
- Ётюрюк хапар аякъ тюбю бла джюрюйдю.
- Чёбню кёлтюрсенг, тюбюнден сёз чыгъар.
- Кёбден умут этиб, аздан къуру къалма.
- Адамны аты башхача, акъылы да башхады.
- Магъанасыз сёз – тауушсуз сыбызгъы.
- Шекер бла туз – бир болмаз, ушамагъан – юй болмаз.
- Ариу сёз джыланны орнундан чыгъарыр.
- Ата Джуртча джер болмаз, туугъан элча эл болмаз.
- Чакъырылмагъан къонакъ тёрге атламаз.
- Бал ашаргъа сюе эсенг, чибин ургъаннга тёз.
- Тёзгеннге, джабылгъан эшик ачылыр.
- Ашхы тенг джолгъа салыр, аман тенг джолдан тайдырыр.
- Джаралыны джастыгъында сау ёлюр.
- Чомартны къолу берекет.
- Юре билмеген ит, къонакъ келтирир.
- Билимден уллу байлыкъ джокъду.
- Ач – эснер, ат – кишнер.
- Юйюнгден чыкъдынг – кюнюнгден чыкъдынг.
- Туз, гырджын аша, тюзлюк бла джаша.
- Арыгъан къош чамчы болур.
- Адебсиз адам – джюгенсиз ат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72