- Къолунгдан къуймакъ ашатсанг да, атаны борчундан къутулмазса.
- Сабий кёргенин унутмаз.
- Сакъалы текени да бар, мыйыгъы киштикни да бар.
- Ёлген аслан – сау чычхан.
- Ата джурт – алтын бешик.
- Мухарны эси – ашарыкъда.
- Бал чибинни ургъаны – ачы, балы – татлы.
- Адамгъа аман кюн соруб келмейди.
- Чакъырылмагъан джерге барма, чакъырылгъан джерден къалма.
- Тюзлюк тас болмайды.
- Аякъларынгы джууургъанынга кёре узат.
- Атлыны ашхысы, ат тизгининден билинир
- Туз, гырджын аша, тюзлюк бла джаша.
- Къууут – джелге, берне – бошха.
- Аллахха ийнаннган кишини, Аллах онгдурур ишин.
- Намысы болмагъанны, сыйы болмаз.
- Къулакъдан эсе, кёзге ышан.
- Дуния малгъа сатылма, кесингден телиге къатылма.
- Адамны адамлыгъы къыйынлыкъда айгъакъланады.
- Хоншуну тауугъу къаз кёрюнюр, келини къыз кёрюнюр.
- Хатерли къул болур.
- Игини сыйлагъан адетди.
- Аман эсирсе, юйюн ояр.
- Джангыз торгъай джырламаз.
- Ашхы адам – халкъ байлыгъы, ашхы джер – джашау байлыгъы.
- Иесиз малны бёрю ашар.
- Хар сёзню орну барды.
- Къарын къуру болса, джюрек уру болур.
- Айранны сюйген, ийнек тутар.
- Тили узунну, намысы – къысха.
- Ёзденликни кёбю ётюрюк.
- Адамны сыфатына къарама, сёзюне къара.
- Тик ёргени, тик энгишгеси да болады.
- Кёпюр салгъан кеси ётер, уру къазгъан кеси кетер.
- Aдам боллукъ, сыфатындан белгили.
- Суугъа – чабакъ, къаягъа – ыргъакъ.
- Къарны аманнга къазан такъдырма, къолу аманнга от джакъдырма.
- Иги сеники эсе да, сюйген кесимикин этеме.
- Къралынгы – душмандан, башынгы от бла суудан сакъла.
- Суу кетер, таш къалыр.
- Босагъагъа джууукъ орун болса, ашыгъыб тёрге озма.
- Эм ашхы къайын ана мамукъ бла башынгы тешер.
- Мен да «сен», дейме, сен да «кесим», дейсе.
- Таукел къуру къалмаз.
- Чёбню кёлтюрсенг, тюбюнден сёз чыгъар.
- Сангырау къулакъ эл бузар.
- Адам къаллай бир ишленмесе, аллай бир кесин уллу кёреди.
- Аманны эки битли тону болур, бирин сеннге кийдирир, бирин кеси киер.
- Ёксюзню тилеги къабыл болур.
- Айран тёгюлсе, джугъусу къалыр.
Профиль
|
|
|||