- Хар зат кесини орнуна иги.
- Къарнынг ауруса, ауузунгу тый
- Аманнга да, игиге да оноусуз къатышма.
- Къумурсхала джыйылсала, пилни да джыгъадыла.
- Кюл тюбюндеги от кёрюнмейди.
- Кёзюнде тереги болгъан, чёбю болгъаннга кюле эди.
- Джангызны оту джарыкъ джанмаз!
- Ауурну тюбю бла, дженгилни башы бла джюрюген.
- Тилчи тилден къаныкъмаз.
- Окъуу – билимни ачхычы, окъуу – дунияны бачхычы.
- Келинни – келгинчи, бёркню кийгинчи кёр.
- Джуртун къоругъан озар.
- Зар адам ашынгы ашар, кесинги сатар.
- Тамырсыз терекге таянма – джыгъылырса.
- Адамны аты башхача, акъылы да башхады.
- Эркиши – от, тиширыу – суу.
- Тойгъандан сора, ашны сёкме.
- Ёлюр джаннга, ёкюл джокъ.
- Ачны эсинде – аш.
- Махтаннган къыз, тойда джукълар.
- Чомарт къолда мал къалмаз.
- Кёб къычыргъандан – къоркъма, тынч олтургъандан – къоркъ.
- Арбаз къынгырды да, ийнек сауалмайма.
- Сабийликде юретмесенг, уллу болса – тюзелмез.
- Байлыкъ адамны сокъур этер.
- Джыланны къуйругъундан басарынг келсе, аны башы болгъанын унутма.
- Къыйынлы джети элни къайгъысын этер.
- Агъач халкъгъа алтынды, иссиликге салкъынды.
- «Ёгюз, джаргъа джууукъ барма, меннге джюк боллукъса», - дегенди эшек.
- Айранны сюйген, ийнек тутар.
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- Келинин тута билмеген, къул этер, къызын тута билмеген, тул этер.
- Къар – келтирди, суу – элтди.
- Дженгил джетерикме деб, узун джолну къоюб, къысхасын барма.
- Азыкъ аз болса, эртде орун сал.
- Узун джолну барсанг, бюгюн келирсе, къысха джолну барсанг, тамбла келирсе.
- Къазанны башы ачыкъ болса, итге уят керекди.
- Ышармагъан – кюлмез, кюлмеген – къууанчны билмез.
- Татлы сёз – балдан татлы.
- Эм ашхы къайын ана мамукъ бла башынгы тешер.
- Ашыкъгъанны этеги бутуна чырмалыр.
- Татлы тилде – сёз ариу, чемер къолда – иш ариу.
- Къатын къылыкъсыз, эр тынчлыкъсыз.
- Намысы джокъну – дуниясы джокъ.
- Тил – кесген бычакъ, сёз – атылгъан окъ.
- Накъырданы арты керти болур.
- Къолу уллу – асыу, аягъы уллу – джарсыу.
- Къыйынлы джети элге оноу этер.
- Бек анасы джыламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72