- Бал чибинни ургъаны – ачы, балы – татлы.
- Къазанчы аман болса, къазаны къайнамаз.
- Аджалсыз ёлюм болмаз.
- Ишлегенден, къарагъан уста.
- Аман киши кеси юйюнде – къонакъ.
- Билген билмегенни юретген адетди.
- Зарда марда джокъ.
- Ата – баланы уясы.
- Кёзю сокъурдан – къоркъма, кёлю сокъурдан – къоркъ.
- Ана – юйню кюн джарыгъы.
- Ариу сёз – къылычдан джити.
- Иги адамны бир сёзю эки болмаз.
- Окъумагъан сокъурду, сокъур ташха абыныр!
- Адамгъа аман кюн соруб келмейди.
- Къарт болгъан джерде, берекет болур, сабий болгъан джерде, оюн болур.
- Къошда джокъгъа – юлюш джокъ.
- Аман эсирсе, юйюн ояр.
- Ана къолу ачытмаз.
- Джангызны оту джарыкъ джанмаз!
- Аз айтсам, кёб ангылагъыз.
- Кёпюр салгъан кеси ётер, уру къазгъан кеси кетер.
- Арба аугъандан сора, джол кёргюзтюучю кёб болур.
- Сакъламагъан затынга джолукъсанг, не бек къууанаса, не бек ачыйса.
- Ёлген эшек бёрюден къоркъмайды.
- Ашын ашагъанынгы, башын да сыйла.
- Мадар болса, къадар болур.
- Ауузу бла къуш тута айланады.
- Ат басханны джер билед.
- Акъыллы – эл иеси, тели – эл баласы.
- Кечеси – аяз, кюню – къыш, джарлы къаргъагъа бир аш тюш!
- Айран тёгюлсе, джугъусу къалыр.
- Тенгинг джокъ эсе – изле, бар эсе – сакъла!
- Къартны сыйын кёрмеген, къартлыгъында сыйлы болмаз.
- Билим къая тешер.
- Эм ашхы къайын ана мамукъ бла башынгы тешер.
- Керек ташны ауурлугъу джокъ.
- Къарнынг къанлынга кийирир.
- Къумурсхала джыйылсала, пилни да джыгъадыла.
- Байлыкъ болгъан джерде, тынчлыкъ джокъду.
- Гитче джилтин уллу элни джандырыр.
- Эллинг бла джау болсанг да, юйюнг бла джау болма.
- Бозаны арты дауур болур.
- Арбаз къынгырды да, ийнек сауалмайма.
- Акъыл бла адеб эгизледиле.
- Аллахха ийнаннган кишини, Аллах онгдурур ишин.
- Терслик кетер, тюзлюк джетер.
- Ачыкъ джюрекге джол – ачыкъ.
- Джыйырма къойну юч джыйырма эбзе кюте эди.
- Ариу сёзде ауруу джокъ.
- Джаз бир кюнню джатсанг, къыш талай кюнню абынырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72