Ариу джол аджал келтирмез.
Ёзденликни джайгъан – джокълукъ.
Айтхан сёзюне табылгъан.
Сабий кёргенин унутмаз.
Азыкъ аз болса, эртде орун сал.
Къыз чыгъаргъан – къызыл къымжа.
Ётген ёмюр – акъгъан суу.
Аш кетер да бет къалыр.
Акъыллы – эл иеси, тели – эл баласы.
Аууз сакълагъан – джан сакълар.
Байма, деб да, къууанма, джарлыма, деб да, джылама.
Эртде тургъан джылкъычыны эркек аты тай табар.
Билгенни къолу къарны джандырыр.
Кесине гебен этелмеген, биреуге черен эте эди.
Къонакъ хазыр болгъанлыкъгъа, къонакъбай хазыр тюлдю.
Уллу къашыкъ эрин джыртар.
Ач келгенни – тойдур, кеч келгенни – къондур.
Сормай – алма, чакъырылмай – барма.
Башынга джетмегенни сорма.
Ойнаб айтсанг да, эслеб айт.
Терслик кетер, тюзлюк джетер.
Кирсизни – саны таза, халалны – къаны таза.
Сютню башын джалагъан къутулур, тюбюн ичген тутулур.
Тилде сюек болмаса да, сюек сындырыр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ёлюр джаннга, ёкюл джокъ.
Билим къая тешер.
Тай асырагъан, атха минер.
Джолда аягъынга сакъ бол, ушакъда тилинге сакъ бол.
Келинни – келгинчи, бёркню кийгинчи кёр.
Ёлген ийнек сютлю болур.
Сютден ауузу кюйген, суугъа юфгюре эди.
Башсыз урчукъ тюзюне айланмаз.
Айран ичген – къутулду, джугъусун джалагъан – тутулду.
Джолунга кёре – джюрюшюнг, джагъанга кёре – юлюшюнг.
Эри аманны, къатыны – аман.
Этни бети бла шорпасы.
Хар ишни да аллы къыйынды.
Чёбню кёлтюрсенг, тюбюнден сёз чыгъар.
Окъугъан озар, окъумагъан тозар.
Термилгенинги табмазса, кюлгенинге тюберсе.
Миллетни бойну – базыкъ, аны бла кюрешген – джазыкъ.
Чомартны къолун джокълукъ байлар.
Тилчи бир сагъатха айлыкъ хата этер.
Джаз бир кюнню джатсанг, къыш талай кюнню абынырса.
Ачыкъ джюрекге джол – ачыкъ.
Кюн – узун, ёмюр – къысха.
Джаралыны джастыгъында сау ёлюр.
Къайгъыны сюйген, къайгъы табар.
Джаным-тиним – окъуу, билим.
но возможно, что среди карачаевцев есть Атабиевы