Ишге юренсин къоллары, халкъ бла болсун джоллары.
Суу кетер, таш къалыр.
Иги сеники эсе да, сюйген кесимикин этеме.
Дуния малгъа сатылма, кесингден телиге къатылма.
Аманны къуугъан, аманлыкъ табар.
Бал ашаргъа сюе эсенг, чибин ургъаннга тёз.
Сибиртки да сыйлы болду, кюрек да кюнлю болду.
Ашхы – джыяр, аман – джояр.
Чалманны аллы къалай башланса, арты да алай барады.
Ачны эсинде – аш.
Ач бёрюге мекям джокъ.
Терек ауса, отунчу – кёб.
Аман адамны тепсинге олтуртсанг, къызынгы тилер.
Къуру гыбыт бек дыгъырдар.
Юйлю уругъа ит чабмаз.
Сескекли кесин билдирир.
Кесинг сынамагъан затны, адамгъа буюрма.
Къартны бурнун сюрт да, оноугъа тут.
Юре билмеген ит, къонакъ келтирир.
Сагъыш – къартлыкъгъа сюйюмчю.
Къыз чыгъаргъан – къызыл къымжа.
Келгинчи, къонакъ уялыр, келгенден сора, къонакъбай уялыр.
Къар – келтирди, суу – элтди.
Уллу атлама – абынырса, уллу къабма – къарылырса.
Насыблы элин сюер, насыбсыз кесин сюер.
Иги адамны бир сёзю эки болмаз.
Таякъ этден ётер, тил сюекден ётер.
Тамырсыз терекге таянма – джыгъылырса.
Билимсиз иш бармаз.
Башы ишлегенни, ауузу да ишлер.
Тик ёргени, тик энгишгеси да болады.
Ана къойну – балагъа джандет.
Аш кетер да бет къалыр.
Ашарыкъда сайлагъаннга – чий гырджын.
Ойнай билмеген, оюн бузар.
Ауругъанны сау билмез, ач къарынны токъ билмез.
Чомарт къолда мал къалмаз.
Джюз элде джюз ёгюзюм болгъандан эсе, джюз джууугъум болсун.
Эр сокъур болсун, къатын тилсиз болсун.
Эшекге миннген – биринчи айыб, андан джыгъылгъан – экинчи айыб.
Тёгюлген тюгел джыйылмайды.
Эл тойса, тоймагъан, эл къойса, къоймагъан.
Келинни – келгинчи, бёркню кийгинчи кёр.
Аман къатын алгъан, арыр, иги къатын алгъан джарыр.
Баргъанынга кёре болур келгенинг.
Ётюрюкню къуйругъу – бир тутум.
Бет бетге къараса, бет да джерге къарар.
Этек чакъмакълары баш джаргъан, сёлешген сёзлери таш джаргъан.
Джылкъыдан – ат чыгъар, тукъумдан – джаш чыгъар.
Тюзлюк шохлукъну бегитир.
но возможно, что среди карачаевцев есть Атабиевы