Кёб джат да, бек чаб.
Къууут – джелге, берне – бошха.
Артына баргъанны, къатына барма.
Окъугъанны бети джарыкъ.
Къан бла кирген, джан бла чыгъар.
Гитче джилтин уллу элни джандырыр.
Чомартха Тейри да борчлуду.
Къайтырыкъ эшигинги, къаты уруб чыкъма.
Джумушакъ терекни къурт ашар.
Азыкъ аз болса, эртде орун сал.
Итли къонакъ джарашмаз.
Тойгъа алгъа да барма, тойда артха да къалма.
Элде адам къалмаса, ит тахтагъа минер.
Татлы сёз – балдан татлы.
Нёгер болсанг, тенг бол, тенг болмасанг, кенг бол.
Ишге юренсин къоллары, халкъ бла болсун джоллары.
Джангызны оту джарыкъ джанмаз!
Чалманны аллы къалай башланса, арты да алай барады.
Терслик кетер, тюзлюк джетер.
Гырджын – тепсини тамадасы.
Дуния малгъа сатылма, кесингден телиге къатылма.
Сабыр джетер муратха, сабырсыз къалыр уятха.
Аллахха ийнаннган кишини, Аллах онгдурур ишин.
Ауузу бла къуш тута айланады.
Ишлемеген – тишлемез.
Орундукъ тюбюнде атылсам да, орта джиликме, де да айлан.
Этек чакъмакълары баш джаргъан, сёлешген сёзлери таш джаргъан.
Кёб джашагъан – кёб билир.
Айранны сюйген, ийнек тутар.
Аякъларынгы джууургъанынга кёре узат.
Акъылсызны джууукъгъа алма, акъыллыны кенгнге салма.
Тойгъан джерден туугъан джер игиди.
Байлыкъ тауусулур, билим тауусулмаз.
Аш иеси бла татлыды.
Эртде тургъан бла эртде юйленнген сокъуранмаз.
Аш хазыр болса, иш харам болур.
Тилчи тилден къаныкъмаз.
Джашлыкъ этмеген, башлыкъ этмез.
Шапа кёб болса, аш татымсыз болур.
Игиге айтсанг – билир, аманнга айтсанг – кюлюр.
Адамгъа аман кюн соруб келмейди.
Сакъ юйюне сау барыр.
Чакъырылгъанны аты, чакъырылмагъанны багъасы болур.
Айыбны суу бла джууалмазса.
Берекет берсин деген джерде, берекет болур.
Зар адамны насыбы болмаз.
Адебсиз адам – джюгенсиз ат.
Малны кют, джерни тюрт.
Ётюрюкден тюбю джокъ, кёлтюрюрге джиби джокъ.
Кёз – сюйген джерде, къол – ауругъан джерде.
но возможно, что среди карачаевцев есть Атабиевы