- Джашны джигитлиги сорулур, къызны джигерлиги сорулур.
- Къайгъы тюбю – тенгиз.
- Ата Джуртун танымагъан, атасын да танымаз.
- Игини сыйлагъан адетди.
- Ишлерге уял да, ашаргъа табма.
- Адамны бетине къарама, адетине къара.
- Тамчы таш тешер.
- Абынмазлыкъ аякъ джокъ, джангылмазлыкъ джаякъ джокъ.
- Тас болгъан бычакъны сабы – алтын.
- Кюн – узун, ёмюр – къысха.
- Баргъанынга кёре болур келгенинг.
- Айтылгъан сёз ызына къайтмаз.
- Эри аманны, къатыны – аман.
- Ёксюзню къалачы уллу кёрюнюр.
- Уллу суу бла уллу ауруудан башынгы сакъла.
- Келинни – келгинчи, бёркню кийгинчи кёр.
- Ач къарынны, токъ билмез
- Ариуну – ауруу кёб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джарлыны эшигин махтагъан джабар.
- Чомарт къолда мал къалмаз.
- Сёз къанатсыз учар.
- Иги адам абынса да, джангылмаз.
- Намысы болмагъанны, сыйы болмаз.
- Баш болса, бёрк табылыр.
- Билими азны – ауузунда кирит.
- Туз, гырджын аша, тюзлюк бла джаша.
- Тойгъандан сора, ашны сёкме.
- Арпа, будай – ащды, алтын, кюмюш а – ташды.
- Керти сёзге тёре джокъ.
- Къатын байлыкъны сюер, эр саулукъну сюер.
- Бет бетге къараса, бет да джерге къарар.
- Кесинг сынамагъан затны, адамгъа буюрма.
- Ашхы болсанг, атынг чыгъар, аман болсанг, джанынг чыгъар.
- Юйюнгден чыкъдынг – кюнюнгден чыкъдынг.
- Ауурну тюбю бла, дженгилни башы бла джюрюген.
- Халкъны джырын джырласанг, халкъ санга эжиу этер.
- Айранны сюйген, ийнек тутар.
- Кёзю сокъурдан – къоркъма, кёлю сокъурдан – къоркъ.
- Элде адам къалмаса, ит тахтагъа минер.
- Окъугъан – асыу, окъумагъан – джарсыу.
- Къайтырыкъ эшигинги, къаты уруб чыкъма.
- Насыблы элин сюер, насыбсыз кесин сюер.
- Aдам боллукъ, сыфатындан белгили.
- Кёзню ачылгъаны – иги, ауузну джабылгъаны – иги.
- Аш иеси бла татлыды.
- Кёзюнде тереги болгъан, чёбю болгъаннга кюле эди.
- Ёзденликни кёбю ётюрюк.
- Чарсда алчыны эл кёреди.
- Ач, тоймам, дейди, тойгъан, ач болмам, дейди.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! ![]() |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)