- Сабий болмагъан джерде, мёлек болмаз.
- Айранны сюйген, ийнек тутар.
- Джырчы ёлсе, джыры къалыр.
- Экеу тутушса, биреу джыгъылыр.
- Элге къуллукъ этмеген, элге ие болмаз.
- Сакъламагъан затынга джолукъсанг, не бек къууанаса, не бек ачыйса.
- Кёлсюзден сёзсюз тууар.
- Ишни ахырын ойламай, аллын башлама.
- Таугъа чыгъаллыкъ эсенг, тюзде къалма.
- Намыс болмагъан джерде, насыб болмаз.
- Тюкюрюк баш джармаз, налат кёз чыгъармаз!
- Адам къаллай бир ишленмесе, аллай бир кесин уллу кёреди.
- «Ма», - дегенни билмесенг, «бер», - дегенни билмезсе.
- Ана къолу ачытмаз.
- Къулакъдан эсе, кёзге ышан.
- Билим насыб берир, билим джолну керир.
- Ишлегенде эринме, ишде чолакъ кёрюнме.
- Тойгъа барсанг, тоюб бар, эски тонунгу къоюб бар.
- Кийимни бичсенг, кенг бич, тар этген къыйын тюлдю.
- Джукъу тёшек сайламайды.
- Тил джюрекге джол ишлейди.
- Тёрдеги кюлсе, эшикдеги ышарыр.
- Джарлы эскисин джамаса, къууаныр.
- Ёлген ийнек сютлю болур.
- От этилмеген джерден тютюн чыкъмайды.
- Къыйынлы джети элни къайгъысын этер.
- Бюгюн дуния кибик, тамбла ахыратды.
- Ач къарным, тынч къулагъым.
- Биреуге кёлтюрген таягъынг, кесинги башынга урур.
- Байлыкъ келсе, акъыл кетер.
- Байлыкъ болгъан джерде, тынчлыкъ джокъду.
- Танг атмайма десе да, кюн къоярыкъ тюйюлдю.
- Джыгъылгъанны сырты джерден тоймаз.
- Аман адам этегингден тутса, кес да къач.
- Мени джылытмагъан кюн, меннге тиймесин!
- Гыдай эчки суугъа къараб, мюйюзле кёрмесе, джашма алкъын, дегенди.
- Аман эсирсе, юйюн ояр.
- Атлыны ашхысы, ат тизгининден билинир
- Уллу атлама – абынырса, уллу къабма – къарылырса.
- Ач – эснер, ат – кишнер.
- Эте билген, этген этеди, эте билмеген, юретген этеди!
- Уллу айтханны этмеген – уллаймаз.
- Сыфатында болмагъаны, суратында болмаз.
- Ашхы тенг джолгъа салыр, аман тенг джолдан тайдырыр.
- Кирсизни – саны таза, халалны – къаны таза.
- От кюйдюрген, сау болса да, тот кюйдюрген, сау болмаз.
- Булут кёкге джарашыу, уят бетге джарашыу.
- Айран ичген – къутулду, джугъусун джалагъан – тутулду.
- Артына баргъанны, къатына барма.
- Илму – джашауну джолу.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)