- Иги болса, тамадама – махтау, аман болса, меннге – айыб.
- Ишлегенде эринме, ишде чолакъ кёрюнме.
- Ата – баланы уясы.
- Сууда джау джокъ, кёб сёзде магъана джокъ.
- Джюз элде джюз ёгюзюм болгъандан эсе, джюз джууугъум болсун.
- Гырджын – тепсини тамадасы.
- Мен да «сен», дейме, сен да «кесим», дейсе.
- Къулакъдан эсе, кёзге ышан.
- Къарны аманнга къазан такъдырма, къолу аманнга от джакъдырма.
- Ичимден чыкъды хата, къайры барайым сата?
- Тёгюлген тюгел джыйылмайды.
- Сагъыш – къартлыкъгъа сюйюмчю.
- Тамбла алтындан бюгюн багъыр ашхы.
- Чарсда алчыны эл кёреди.
- Эм ашхы къайын ана мамукъ бла башынгы тешер.
- Къолунгдан къуймакъ ашатсанг да, атаны борчундан къутулмазса.
- Чалманны аллы къалай башланса, арты да алай барады.
- Зарда марда джокъ.
- Къуру гыбыт бек дыгъырдар.
- Тюзню ётмеги тюзде къалса да, тас болмаз.
- Адамгъа аман кюн соруб келмейди.
- Къарт болгъан джерде, берекет болур, сабий болгъан джерде, оюн болур.
- Адебсиз адам – джюгенсиз ат.
- Тилчи тилден къаныкъмаз.
- Чёбню кёлтюрсенг, тюбюнден сёз чыгъар.
- Чакъырылмай келген къонакъ сыйланмай кетер.
- Кёз – сюйген джерде, къол – ауругъан джерде.
- Таукелге нюр джауар.
- Аууз сакълагъан – джан сакълар.
- Ариу сёз – джаннга азыкъ, аман сёз – башха къазыкъ.
- Этек чакъмакълары баш джаргъан, сёлешген сёзлери таш джаргъан.
- Аманны къуугъан, аманлыкъ табар.
- Сёз къанатсыз учар.
- Тойгъан антын унутур.
- Бетинги сатма, малынгы сат.
- Къатыны харакетли болса, эри къымсыз болур.
- Уясында не кёрсе, учханында аны этер.
- Кесине гебен этелмеген, биреуге черен эте эди.
- Аллахха ийнаннган кишини, Аллах онгдурур ишин.
- От этилмеген джерден тютюн чыкъмайды.
- Орундукъ тюбюнде атылсам да, орта джиликме, де да айлан.
- Арбаз сайлама да, хоншу сайла.
- Байлыкъ болгъан джерде, тынчлыкъ джокъду.
- Кёлсюзден сёзсюз тууар.
- Тёрени джагъы джокъ.
- Тил джюрекге джол ишлейди.
- Ёгюзню мюйюзлери ауурлукъ этмейдиле.
- Ойнаб айтсанг да, эслеб айт.
- Ёнгкюч къууана барыр, джылай келир.
- Джетген къыз джерли эшекни танымаз.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! ![]() |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 2)