- Тойгъа алгъа да барма, тойда артха да къалма.
- Тели турса – той бузар.
- Мен да «сен», дейме, сен да «кесим», дейсе.
- Бети – къучакълар, джюреги – бычакълар.
- Башы джабылгъан челекге, кир тюшмез.
- Ёксюзню тилеги къабыл болур.
- Байны къызы баймакъ болса да, юйде къалмаз!
- Аман хансны – урлугъу кёб.
- Чакъырылмагъан джерге барма, чакъырылгъан джерден къалма.
- Адамны аты башхача, акъылы да башхады.
- Тойгъандан сора, ашны сёкме.
- Адам къыйынлыгъын кёлтюрюр, зауукълугъун кёлтюрмез.
- Баш – акъыл ючюн, акъылман – халкъ ючюн.
- Ичимден чыкъды хата, къайры барайым сата?
- Эки элинги тыйсанг, джети элде махталырса.
- Ашхы тенг джолгъа салыр, аман тенг джолдан тайдырыр.
- Ёлюр джаннга, ёкюл джокъ.
- Таш бла ургъанны, аш бла ур.
- Окъугъан – асыу, окъумагъан – джарсыу.
- Кёзден кетген, кёлден да кетеди.
- Ишни аллы бла къууанма да, арты бла къууан.
- Къазанда болса, чолпугъа чыгъар.
- Къошда джокъгъа – юлюш джокъ.
- Адебни адебсизден юрен.
- Къыйынлы джети элге оноу этер.
- Ишленмеклик адамлыкъды.
- Рысхысына кёре, джаш ёсер, къышлыгъына кёре, мал ёсер.
- Аджал соруб келмез, келсе, къайтыб кетмез.
- Къатыны харакетли болса, эри къымсыз болур.
- Биреуню эскиси биреуге джангы болмайды.
- Кёлю джокъну – джолу джокъ.
- Алгъанда – джууукъ, бергенде – джау.
- Джашынгы кесинг юретмесенг, джашау юретир.
- Тау башында, тау болмаз, джангыз терек, бау болмаз.
- Тойгъан антын унутур.
- Дженгил джетерикме деб, узун джолну къоюб, къысхасын барма.
- Ойнай билмеген, оюн бузар.
- Къазанны башы ачыкъ болса, итге уят керекди.
- Джашны джигитлиги сорулур, къызны джигерлиги сорулур.
- Юйюнгден чыкъдынг – кюнюнгден чыкъдынг.
- Душманны тышы – акъ, ичи – къара.
- Джети тилни билген джети кишиди.
- Атынг аманнга чыкъгъандан эсе, джанынг тамагъынгдан чыкъсын.
- Къонакъ хазыр болгъанлыкъгъа, къонакъбай хазыр тюлдю.
- Джаш болсун, къыз болсун, акъылы, саны тюз болсун.
- Тилде сюек болмаса да, сюек сындырыр.
- Адамны бетине къарама, адетине къара.
- Онгсузну – джакъла, тенгликни – сакъла.
- Соргъан айыб тюлдю, билмеген айыбды.
- Итли къонакъ джарашмаз.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)