- Ауузу аманнга «иги», деме.
- Миллетни бойну – базыкъ, аны бла кюрешген – джазыкъ.
- Ашыкъгъанны этеги бутуна чырмалыр.
- Къартны бурнун сюрт да, оноугъа тут.
- Джылар джаш, атасыны сакъалы бла ойнар.
- Аманнга да, игиге да оноусуз къатышма.
- Ауругъан – джашаудан умутчу.
- Уллу къазанда бишген эт, чий къалмаз.
- Бир онгсуз адам адет чыгъарды, деб эштирик тюлсе.
- Ата Джуртча джер болмаз, туугъан элча эл болмаз.
- Мени джылытмагъан кюн, меннге тиймесин!
- Ана къолу ачытмаз.
- Акъдан къара болмаз.
- Къонакъ аз олтурур, кёб сынар.
- Ишин билген, аны сыйын чыгъарады.
- Ханы къызы буюгъа-буюгъа киштик болду.
- Мен да «сен», дейме, сен да «кесим», дейсе.
- Къуллукъчума, деб махтанма, къуллукъ – хаух джамчыды!
- Сагъыш – къартлыкъгъа сюйюмчю.
- Акъылсызны джууукъгъа алма, акъыллыны кенгнге салма.
- Махтаннган къыз, тойда джукълар.
- Ачылгъан эт джабылыр, кёрген кёз унутмаз.
- Адам сёзге тынгыла, акъыл сёзню ангыла.
- Билимли ёлмез, билимсиз кёрмез.
- Таугъа чыгъаллыкъ эсенг, тюзде къалма.
- Джыгъылгъанны сырты джерден тоймаз.
- Бек анасы джыламаз.
- Кесинг сынамагъан затны, адамгъа буюрма.
- Туз, гырджын аша, тюзлюк бла джаша.
- Джарлыны эшигин махтагъан джабар.
- Элге къуллукъ этмеген, элге ие болмаз.
- Къыз келсе, джумуш эте келеди, къатын келсе, ушакъ эте келеди.
- Ишлегенден, къарагъан уста.
- Насыб бютеу халкъны юлюшюдю.
- Телини эшигин, махтау джабар.
- Юйюнгден чыкъдынг – кюнюнгден чыкъдынг.
- Юй кюйдю да, кюйюз чыкъды, ортасындан тюйюш чыкъды.
- Накъырда – кертини келечиси.
- Хунаны тюбюн къазсанг, юсюнге ауар.
- Байлыкъ болгъан джерде, тынчлыкъ джокъду.
- Къанны къан бла джуума, аманны аман бла къуума.
- Уллу суу бла уллу ауруудан башынгы сакъла.
- Ашхы атаны – джашы ашхы, ашхы ананы – къызы ашхы.
- Къобан да къуру да къобханлай турмайды, адам да къуру да патчахлай турмайды.
- Аджалсыз ёлюм болмаз.
- Ат басханны джер билед.
- Игиге айтсанг – билир, аманнга айтсанг – кюлюр.
- Ёзденликни кёбю ётюрюк.
- Джиби бир къат джетмей эди да, эки къат тарта эди.
- Айтылгъан буйрукъ, сёгюлмез
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)