- Тилсиз миллет джокъ болур.
- Нарт сёз – тилни бети.
- Къыз тиширыу кеси юйюнде да къонакъды.
- Телиге от эт десенг, юйюнге от салыр.
- Тойгъанлыкъ къойгъа джарашады.
- Нёгер болсанг, тенг бол, тенг болмасанг, кенг бол.
- Къолу уллу – асыу, аягъы уллу – джарсыу.
- Тау башында, тау болмаз, джангыз терек, бау болмаз.
- Джумушакъ сёз къаты таякъны сындырыр.
- Суугъа – чабакъ, къаягъа – ыргъакъ.
- Эл ауузу – элек, анга ийнаннган – халек.
- Ётюрюкню къуйругъу – бир тутум.
- Телини эшигин, махтау джабар.
- Юре билмеген ит, къонакъ келтирир.
- Туз, гырджын аша, тюзлюк бла джаша.
- Къызны минг тилер, бир алыр.
- Алтыннга тот къонмаз.
- Юйлю уругъа ит чабмаз.
- Бозанг болмагъан джерге, къалагъынгы сукъма.
- Чомарт къонакъ юй иесин сыйлар.
- Сангырау къулакъ эл бузар.
- Акъыл сабырлыкъ берир.
- Къарны аманнга къазан такъдырма, къолу аманнга от джакъдырма.
- Чомартха хар кюн да байрамды.
- Аджалсыз ёлюм болмаз.
- Биреуню тёрюнден, кесинги эшик артынг игиди.
- Ётюрюкню башын керти кесер.
- «Ма», - дегенни билмесенг, «бер», - дегенни билмезсе.
- Таукел тауну аудурур.
- Бек анасы джыламаз.
- Айранын берсенг, челегин да къызгъанма.
- Джол бла сёзню къыйыры джокъ.
- Дууулдаса – бал чибин, къонса – къара чибин.
- Кеси юйюмде мен да ханма.
- Хата – гитчеден.
- Аш иеси бла татлыды.
- Акъыллы башны – тили къысха.
- Юй ишлеген балта эшикде къалыр.
- Башы джабылгъан челекге, кир тюшмез.
- Ат басханны джер билед.
- Этни бети бла шорпасы.
- Тин – байлыгъынг, терен саулугъунг.
- Таукел адам тау тешер.
- Итли къонакъ джарашмаз.
- Джангызны оту джарыкъ джанмаз!
- Джарлыны эшигин махтагъан джабар.
- Билеги кючлю, бирни джыгъар, билими кючлю, мингни джыгъар.
- Урама да – ёледи, сатама да – келеди.
- Ата – билек, ана – джюрек!
- Къонакъны къачан кетерин сорма, къачан келлигин сор.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)